Afhayeen u hadlay Xoghayaha Guud ee Dhaqdhaqaaqa Nabbada oo ka digay sida ay wax u qeybsanayaan. ( Nairobi 5/08/04 )

Afhayeen u hadlay Xoghayaha Guud ee Dhaqdhaqaaqa Nabadda Banadir ayaa ku tilmaamay in aysan aheyn xaalad la aqabali karo sidii ay u qeybsadeen xubnaha baarlamaanka uga mid noqonaya beesha Mudulood ama ku cad sida liiska ay urur gobaleedka Igad uu ugudbiyay mid ka mid ah saxiixayaasha beesha mudulood ugu jira 24ka saxiixayaal.

Hadaba waxaan si cad u diideynaa wax kasta oo wax yeeli karaa midnimada iyo wadajirka beesha, Sidaas darteed ma ahan in maalmaha ay dhibaatada jirto la walaashado, marka ay wax qeybsi yimaadana la iloobo walaahaheen, Hilibi, Moobleen iyo Wacdaan Cismaan ayuu yiri afhayeenkaasi u hadlayay Xoghayaha guud ee Dhaqdhaqaaqa Nabadda Badadir.

Hadaba mar aan xiriir la sameeyay Xoghayaha Guud ee dhaqdhaqaaqaas C/casiis Cali Ibrahim "Xildhiban" si aan u xaqiijino waxa ka jira hadalka afhayeenka ku hadlayay magaciisa wuxuu yiri waxaan uga digeynaa dhamaan xubnaha beesha Mudulood iyo mas'uuliyiinta ka joogta shirka in ay ka fiirsadaan talaabooyinka ay qaadayaan wixii gef ah oo ay galaan in ay mas'uuliyaddeeda qaadi doonaan.

Wuxuuna ugu dambeystii ka codsaday Imaamka beesha mudulood Imaam Maxamuud Imaam Cumar in uu guto waajibaadkii loo caleema saarey oo ahaa in uu u caddaalad falo dadkiisa, kuna kadsoomin damaca waalida ku dhisan ee ay qabaan xubno ka tirsan hogaamiyayaasha siyaasadda ee beesha Mudulood.

Dahir Abdulle Alasow

Nairobi, Kenya