May16, 2005

  Beribaa waxaa la yiri buurbaa foolatay, dadkii oo dhan baa yaabay oo waxaa la saadaalinaayay waxa ay dhali doonto, waxaa lays weydiiyey tolow maxay dhaleysaa?, Ma mid iyada la mid ah bay dhaleysaa?, Ma mid ka yar bay dhaleysaa?, Ma Hashii Nebi Saalax (cs) oo kaley dhaleysaa?, La yaab!!! Sidii loo sugayey oo indhaha loogu hayey ayay cirbad dhashay!!!, Dadkiibaa mooraalkii iyo nafsadii ka jabtay oo lala yaabay sidii buurtan uuraysatay loogu han weynaa iyo lama filaankii ay umushay!!!.

Muduloodoow xaal qaado!!! Ma waxaanu ku moodnay, mise waxaad noqotay, mise waxaan loo noqon doonin, intii ay ku hogaaminayaan sedex walxaad oo xarafka (X) kutaal xaatahay, xoow yahay ,xeey yihiin, walee xaq dhowr lagaa sugi maayo. Waxaan ku moodnay inuu markii hore qalad dhacay hab qeybsigii beesha mudulood, hadase waxaa cadaatay inuu ku tala gal ahaa mar hadii uu cali maxamed geedi diiday inuu la kulmo beesha moobleen intuu xamar joogay, waxaana noo cad inuu la kulmay beelaha kale ee hubeysan.

Sidii buurtii foolatay oo kale ayaan u dhowreynay cali maxamed geedi waxuu falo, dhamaan wax garadka beelahii la dulmiyay (Moobleen iyi Hiilibi) iyo runtii in badan oo beel weynta mudulood ka mid ah, awalna ka xumaa sidii ay qeybtaas u dhacday, waxaana la yaab ah intii uu haayay xilka uu maanta hayo isagoo magacaabay dhowr xil, ayuuna weli wax xil mihiim ah uusan u magacaabin beelahaasi la dulmay.

Anigu awalba waxba kama aan sugeynin buur foolatay, laakiin dadkii islahaa waxay dhali doontaa hashii nabi saalix (cs) oo kale ayaa ku hingoobay, waayo markii la magacaabay cali maxamed geedi ayaa waxay islahaayeen waa nin aqoon yahan ah oo uma dhaqmi doono sidii ay u dhaqmeen muuse suudi, maxamed dheere, iwm. Dadkaasi waxay ilow sanaayeen in ay soomaali hore u tiri (geela hore saan qaadkiisa ayuu kan danbana leeyahay) waa layaab!!!, waana cadahay inuu ina geedi maray wadadii muuse iyo maxamed dheere taas oo aheyd xeey yihiin moobleen.

Aqristow waxaa layaab ah beesha Moobleen Cismaan iyo beesha Hiilbi Daarandoole waxa ay u garan la yihiin dhibtaan lagu haayo, taas oo ay weli u dheer tahay dhulkoodii oo xoog lagu heysto, sharaftooda iyo magacooda oo la baabi,iyay, waxaa kaloo loogu yeeraa aryaa  xaatahay,  xoow yahay, iyo xeey yihiin, iwm, hadaba hadii uu cali maxamed geedi uu wax ka qaban waayahay colaada dabada dheeraatay ee ka dhex jirta beel weynta mudulood, sow la mid ma,ahan hashii cirbida dhashay.

Aqristow waxaan kaloo la yaabaa aqoon yahanada beelaha la dulmay oo aan weli garan arinkan meesha uu u socdo, waayo soomaalidu waxay tiraahdaa, ninkii garan waayo waxa maanta jira ma garto waxa soo socdo, waxaa kale oo ay soomaalidu tiraahdaa Rag seddax baa ugu xun, ma tashade, ma toshe, ma tashiishe.

Ma toshe, marka laga reebo xigmadda ku dahsoon ee sideeda loo qeexo, waa ninka aanan maradiisa tolan karin, balse marka dhug loo yeesho ula jeeddadeedu waa ninka naftiisa iyo masuuliyadda saaranba ka seexda. Nin baa laga warrami jiray isagoo meel dhacdiid u jiifo roob culus korkiisa ku da’ay isaguna caajisnimo awgeed halki iska jiifay ilaa roobki hakaday, waxaa lagu yiri "war meesha ka kac oo dharka kaa qoyey iska qallaji" markaas buu ku jawaabay "Maxaa howshaas igu wato hadii aan meeshayda jiifo sow hoosku dhanka kale uma wareegayo oo hadhow cadceeddu iima qallajin doonto. Taas waxaan ula jeedaa aqoon yahanada beelaha la dulmay (Moobleen iyo Hiilibi) ee aanan tashaneyn, lagana yaabo inay ku fekerayaan dhibkaan Ilaah baa qaddaray isagaana dhameyn doono.!!! Waa run oo Ilaah baa qaddaray waxaase lagaaga fadhiyaa falcelin.

Haddaba sedexdan arrimood ee kala ah, ma tashade, ma toshe iyo ma tashiishe waxaa ku sifoobay dhamaan wax garadka beelahaasi la dulmay iyo guud ahaan dadkooda, waayo waxay moodeen qabiilka xooga ku heysto dhul kooda inuu dowlad yahay, waxaana loogu sheekeeyay in maamul loo sameeyay, maamuladaas oo aysan wax dan ah ugu jirin oo lagu baabi,inaayo magacooda iyo jiritaan kooda. ilaahow ma tashade, ma toshe iyo ma tashiishe hanaga dhigin.

sedex walxaad oo (x) kutaal xumaan kamaahin ee waa u xeeyr

xaa tahay, xoow yahay, iyo xeey yihiin xumaan kamaahin ee waa u xeer

xil dhibaan laxoogo xumaan ka maahin ee waa u xeeyr

xigto laxoogo xumaan ka maahin ee waa u xeeyr

xaq aan la dhowrin xumaan ka maahin ee waa u xeeyr

 

Qore;  jama hussein hassan

            jamamoobleen@aol.com

            jamamob99@hotmail.com