Aqristayaal, ninki aanan arag wixi muuqdo ,ma arko wax aanan muuqan.,lagamana yaabo in uu ku dhaqmo ,waa ninkaase, aragti fog oo ka guurayso waddankan waxaa xal loogu heli karaa si dhab ah oo loo wada hadlo,waddanka gudihiisa oo lagu wada hadlo,dadka wada hadlayo oo ahaado kuwa dhab u mathelo deegaanka ay ku abtirsadaan,nin walbo oo ogaado tabartiisa iyo danta taageerayaashiisa in ay ku jirto ,horta iyada oo shaqayso danta guud ee ummadda Soomaaliyeed,taas waa qaabka xal looga dhalin karo wada hadal ay mirihiisa wacan gurtaan ummadda Soomaaliyeed,taas waa qaabka kaliya oo ay DFMK horay ugu tilaabsan karto wax qabad ay mirihiisa gurtaan umaadda Soomaaliyeed iyo hogaamiyayaasheeda.

       Haddii la waayo taa kore ,salkeedana yahay aan wada hadalno waa aan heshiino,waa aan horay u socono. xal kama sukeeyo nin ilaahey ummadda u bixiyo ,wanaagna xanbaarsan, quraxda dadkeena iyo dalkeenana doonayo in uu ummadda u kaco, biyaha fadhiya kiciyo, kala saaro calowgooda iyo nadiifkooda, nadiifkana qaato, calowgoodana daadsho wixi aanan dib loo nadiifin Karin. tan ma filayo in ay maanta suurta-gal ka tahay dhulkeena ,waayo maanta dadkeena dhaxdiisa kama muuqdo nin kartidaas leh ,dadkana ka keensan karo in ay ku raacaan kacdoon suuban.

       Heshiiska dhax-maray Madaxweynaha Soomaaliya Col Cabdullahi Yusuf iyo Af-hayeenka Barlamaanka Sharif Xasan waxaa loo soo dhoweeyay siyaaba kale duwan waddanka Soomaaliya gudihiisa iyo debadiisaba.

      Heshiiskaas oo ahaa ,Waa heshiinay ,waxaan ku heshiinay danta dadka iyo dalka Soomaaliyeed in aan meel uga soo wada jeesano ,waxaan ku heshiinay qoddobo ay ugu horeeyaan,ugu danbeyn in dowlada Muqdisho isugu tagto, in hubka laga dhigo maleeshiyaadka hubaysan dhamaan, in kulanka ugu horeeyo ee Barlamaanka bil gudaheeda lagu qabto waddanka meel ka mid ah, cirkaba ha ahaatee (cirkaba ha ahaatee waxaa raaciyay Madaxweynaha Somaliye Cabdullahi Yusuf).,sideedaba waa la heshiiyay waa hadal suuban oo soo dhoweyn mudan.

        Dhamaan maqalka muusikada heshiiskan, waa wax aad u fiican ,laakin waxay su'aal ka taagan tahay , howlahan lagu heshiiyay qaabki loo hergelin lahaa .

        Inta aanan u guda-gelin falaanqaynta sida loo soo dhoweeyay heshiiskan iyo fikradaha kala duwan ee ka soo baxayo baaqyada lagu teegaarayo,kuwa lagu diidayo iyo hadalhayntiisa guud ahaan oo aad u korotay. 

 

        Soomaali waxay Tiraahdaa "Nin Tuur leh Isaga Yaqaan Siduu U Seexdo", horta hergelinta heshiiskan waxa laga wada rabaa Cabdullahi Yusuf Oo og Ragga ka danbeeyo, Oo og reer Puntland waxay ka sugayaan , Oo og qaabka loo soo dhisay DFKM, Oo og in ay Jowhar tahay xarunta ku meel-gaarka ah ee DFKM, oo weliba Safaarada Ajnabiya laga furay,taasoo Jowhar ay u dheertahay in ay Shiraacday, lana saanqaaday la shaqaynta DFKM, Oo og in uu Jowhar ka taliya hogaamiya awood badan,ciidan gaarana  leh,Oo og qaar kale oo reer baydhaba ah in ay Bakool uga gacan haadinayaan DFKM oo saldhig ka dhigato Baydhabo,Oo og in ugu danbeyn laga rabo DFKM oo isugu tagto Muqdisho  iyo Sharif Xasan Oo og, kana dheragsan,  lana barayn yey Yihiin ragga uu Muqdisho kaga soo tegay, Oo og Reer Baydhabo oo uu isaga ka soo jeedo in ay weli ku haminayaan DFKM in uu saldhigeeda noqdo Baydhabo tan iyo inta Muqdisho kaga soo rogmanaayo daadki Dayreed ee Cabdullahi ugu ribeeyay qabqablayaasha Xamar iyo taageerayashooda, Oo og intee la egtahay Saaxibtinimada iyo Cadowtooyada u dhaxeyso qabqablayaasha uu xamar kaga soo tegay, Oo og in ay adagtahay in la arko Saaxibadiisa Muqdisho oo isku duuban oo hal meel ka wada arko heshiiska Shariifka la galay Cabdullahi Yusuf ,ha samaadee ama ha xumaadee, Oo og ugu danbeyn in laga rabo in uu meel ku-wada shiriyo xubnaha Barlamaanka, isaga oo aanan khasaarin saaxibadiisa Muqdisho iyo kuwi ku garab noqdayba.

      Waxaan ku hormareynaa heshiiskan ragga soo dhoweeyay oo iyaga dhowr nuuc u kala baxo, raggan intooda badan diidmo rasmi ah ama ogolaasho rasmi ah weli lagama haayo, sidaas darteedna wuxuu war kaga ekaaday in ay soo dhoweeyaan heshiiskan guud ahaan isaga oo isku duuban tan iyo inti laga furfurayo calooshiisa , loona bedalayo howl, waxaa jiro qaar kale oo aanan soo dhoweyn ,si rasmiyana aanan u diidin soo dhoweyntiisa, kana aamusay ,kuwaas waa qabqablayaasha Xamar, waxaana ka bixinaynaa faala gaar ah asbaabaha ay u aamuseen.

     Isku soo wada duub siyaasadaha gurracan oo ay ku dhaqmaan madaxda maanta horkacayso Soomaaliweyn, waxaa hubaal ah ,shakina uunan ku jirin heshiiska Cabdulaahi Yusuf iyo Shariifka kaga dhawaaqeen magaalada Cadan ee Dalka Yeman in uu yahay bilowgi dhibicdi ugu horeysay ee roobki Dayrta oo daadkiisa Cabdullahi Yusuf ugu ribeeyay qabqablayaasha Soomaaliyeed ee ka badin waayay, tabartoodana ku ekaatay beenta, baada, boobka, bililiqaysiga, banadaada iyo beynaad ku haynta  maatidooda ,deeganadooda iyo ummadda Soomaaliyeed guud ahaan.

    Qabqablayaasha dagaalka ee Muqdisho Maxaa aamusiyay, maxaysa damacsan yihiin in ay ka yeelaan heshiiska gogol isugu keenay Cabdullahi iyo Saaxibkood Shariif Xasan ,lagagana dhawaaqay Yeman gudaheeda.

     Waxaa aamusiyay dhaawaci ay u geysatay Xabaddi uu Dr Cabduqaasim la rabay in uu mar kaliya ku dilo laba shimbir, uu midna la helay, middi kalase ka baxsatay , codkeedana laga maqlay Yeman, iyado oo leh aniga waa ka daayay dabarki aan ku haayay DFKM, kokli aad iga yaabiseen, sida aad isu cunaysaan idinka oo hoos u wada dhashay.

    Waxaa aamusiyay soo degitaanka DFKM ee Jowhar oo dadweynaha Reer Muqdisho si cad u tusay, in ay nimankan yihiin kuwa doonayo oo kaliya in Muqdisho u kala qoqobnaato, horana aanan u socon iyo goor walbo oo ay arkaan, khatar soo hayso iyaga,in ay dadkooda ku kiciyaan ,waa wareey, Xabshi ayaa soo socoto,Reer hebel ayaa na soo haayo,talyaani waa cadow ,Fulaan dastuurki waa ku tuntay iwm------.iyagoo gabaad ka dhiganayo kicitaanka dadka ay xuquuqdoo ku tunteen shan iyo toban sano oo gadaal noo dhaaftay, xisaab la'aan.

     Maxay Damacsan-yihiin?

 Waxay damacsan yihiin waa in uunan shaqayn heshiiskaas, waxaasa qabqablayaasha Muqdisho nasiib daradooda noqotay, howl isuguma aadano,waa kala daateen, kolki uu Saaxibkooda waqtiga gaaban,waa Cabduqaasime dhax dhigay bambaano aad u culus, lana helay ,marka laga reebo Shariifka oo uunan ka filanayn in uu dhaqsidaas heshiis ula galayo Shimbirka labaad (DFKM) oo lala rabay in ay disho bambadaas.taa waxaa u dheer in beryahan la hadalhaayo qaar ka mid ah raggan oo bilaabay u kala dhuumashada Garabka Jowhar iyo qaar kale oo iyagana bilaabay u dhowaashada Wasiirka koowaad, iyagoo jeebka ku sito ,qorsha ah, furitaanka baab kale oo ay DFKM isku khilaafto iyo qaar bilaabay in ay xamar ka dhax yiraahdeen, waa guul heshiiska ay gaareen Madaxweynaha iyo afhayeenmka Barlamaanka. Kooxahan ma sahlano, waa mas ,masna madaxaa laga dilaa. ninki maskan, madaxa ka dili lahaana, fara laguma haayo oo hadda waa hurdaa, waana hurda weyne.

  Hashiiska Cabdullahi iyo Shariifka ma ahayn mid ku yimid wada hadal gunta ka soo bilowday,wuxuu ahaa deg-deg ,wuxuu ahaa mid ka dhashay siyaasad xumida ma gudbayaasha xamar,wuxuu ahaa guul lama filaan ah oo u soo hoyatay DFKM ,laakin waxaa isweydiin mudan ,ma laga yaabaa DFKM in ay si isku duubni ah uga faa'iidaysto heshiiskan,ugana faa'iidayso ummadda Soomaaliyeed oo u baahan nabad ka dilaacdo dhulkooda iyo dhaxdoodaba, su'aasha jawaabtan waxaan u daynaynaa waqtiga iyo Madaxweynaha Soomaliya qaabka uu u soo bandhigo heshiiskan  iyo sida uu ula dhaqmo,bandhigid ka dib ragga la safto iyo kuwa ka horyimaadaba.

   

  Soomaliya, maanta uma baahno Saaxibada waqtiga gaaban, Soomaaliya waxay u baahan tahay wiil u guntada badbaadinta dadka iyo dalka Soomaaliyeed.

Fiira gaar ah.

      Daadka sidiisaba wuxuu ka dhashaa Roob,badda iyo webiga, waana wax dabiici ah oo aynan maamulkiisa shaqo ku lahayn wax aanan ilaahey ahayn. Daadka marki uu yimaado,kalama sooco wixi yaala meesha uu soo maro,waa wada qaadyaa wax walba oo uunan ilaahey idman in ay ka haraan,sidaas darteed haddii daadka dayrta yimaado, ma filayo in ilaahey ha noo gargaaree ,uu kala reebayo dulliga Soomaaliya dandareeyay, dhinaci uu rabo ha ka soo jeedee.allow wixi san, ummadda u soo reeb.

11/01/2006

Abdullahi Moallim Mahamud

Moallem10@hotmail.com