Waa wax aad looga xumaado,culays aanan la-tilmaami karina saaray, nolol maalmeedka dadyowga reer Muqdisho,  taariikhdana baal madow ka galay, dagaalada soo noqnoqday ee beryahn ka aloosan magaalada Muqdisho,. Waxaan marar badan Baaq dagaal joojin ah u dirnay kooxaha uu u dhaxeeyo dagaalka macnadarada ah ee ka jiro deegaanka Siisiiye, waxaan haddana  mar kale kooxahan ugu baaqaynaa joojinta colaada ka taagan deegaanka Siisiiya, aga-gaarkiisa iyo dhamaan deegaanada Muqdisho ka kooban-tahay oo dhan shuruud la'aan .

  Waxaan iyagana odayaasha dhaqanka ,culumada aanan gacan ku lahayn dagaalka ,waxgaradka ,aqoonyahanada reer Muqdisho dhamaan ka codsanaynaa u istaagida joojinta Colaadan u dhaxeyso dad ehel ah ee ku dul dagaalayo, maatidi laga rabay in ay u adeegaan ,kuna maqnaadaan meel saaarida danahooda .

  Waxaan waxgaradka Muqdisho ,gaar ahaan kuwa beesha Mudulood, mar kale ku adkaynaynaa in uunan dadaalkooda ku ekaan joojinta Colaada oo kaliya,balse waa in ay ku daraaan in ay u dhaqaaqaan sidi looga kaaftoomi lahaa dagaal danbe oo dib uga dhax bilowda kooxaha muqdisho isku haayo, oo iyaga dhamaan isku cadeeyay in ay yihiin kooxo aanan lahayn hadaf siyaasadeed ,deegaan iyo mid dhaqaalo oo muuqdo tan iyo inti la kala diray Dowladi uu horkacayay Maxamed Siyaad Bare (allah ha u naxriistee) 1990.

 Waxaan waxgaradkan ,iyaga oo kaashanayo bulshada reer Muqdisho iyo dulqaad fara badan ka codsnaynaa, xil iska saarida sidi ay maamul mideeyo ,oo aanan cid lagu takoorayn, ugu sameyn lahaayeen deegaanada gobalka Banaadir guud-ahaan. taasoo hubaal ah in ay ummadda Soomaaliyeed oo dhan u horseedi doonto guul wax ku ool ah,Ilaahey idinkiis.09/05/2006

Jaaliyada Mudulood ee ku nool dalalka Carabta.

Diyariye /Cabdullahi Mocallim Maxamud (Siyaasi)