Magaalada
Muqdisho iyo dalka soomaaliya oo dhan waxaa ka jiro dhib xoogan.
Xal u helida dhibaatada iyo nabad darrada saameysay dalka
soomaaliya oo dhan, waxay dabada ku heysaa ,dalka soomaaliyeed oo
uunan maanta ka jirin nin leh sifa hogaamiye wacan, sabar badan,
caadil ah, dadka u siman, dabeecad wanaagsan, hadafkiisa cad yahay,
gacan adag waqtigi loo baahda gacan adeeg, dadka kala yaqaan,
garanayaa danta kulmiso ummadda oo dhan, xog u haayo qaabka uu
caalamka maanta u shaqeeyo, waxyaabaha ummaddaha adduunka isku
waafaqsanyihiin iyo waxyaabaha ay isku diidan yahay. iwm
Dagaalka Muqdisho wuxuu salka ku haayaa dagaalki Muqdisho ka dhacay
1990 , keddib marki la burburiyay xukuumadi waddanka ka jirtay
waqtigaas qorsha la'aan.
Dagaalka Muqdisho wuxuu
salka ku haayaa dadki uu dagaalkaas dhax maray oo aanan waqtigeedi xal
u raadin sida looga gudbi lahaa dhibaatooyinki uu keenay dagaalkooda.
Waxaa la yiraahdaa meel
aanan nabad ka jirin haddii aad aragto, waa meel aanan akhyaar ka
jirin, taasna uma gaar aha Muqdisho oo kaliya ee waa mid saameyso
waddanka soomaaliya oo dhan.
Muqdisho dagaalka ka jiro uma
eko mid si sahala lagu soo afjari karo, xitaa haddii labada
koox oo ishayso midkood adkaado , waayo ragga is-haayo ee u kala baxay
labada koox, kuma jirto koox kaliye oo uu mideeyo hadaf cad ,diin ha
ahaado, siyaasad, xoog maleeshiyo, dhaqaalo iyo qabiilba .
Tan waxay cadeynaysaa in kooxdi guulaysato iyada dhaxdeeda dib u
dagaalayso ,haddii uunan dagaalkoodaba ka soo hormarin dagaalka ay
abaabulayso DFKM oo iayada doonayso in ay Muqdisho xoog ku qabsato,
DFKM iyada waxay u dhaqantaa qaabka ay kooxaha isku haayo waddankeena
u dhaqmaan oo kale.,dhinac kasto oo aad u dhigtana DFKM waxba kagama
duwana maleeshiyaadka waddanka oo dhan ka jiro.
Dagaalka Waddankeena guud ahaan ka jiro wuxuu u dhaxeeyaa kooxa ku
taagan khayaali ku nool.
Ma rabo in aan galo tafaasiisha kooxaha Muqdisho sida ay u
dhisnatahay koox walba hoos ahaan, waxyaabaha kulmiyo iyo waxyaabaha
ay ku kala duwan yihiin, laakin waxaa xaqiiqa ah, in madaxda labadan
kooxoodba yihiin raggi ay u xayirneed nabad ka dilaacdo dalka
soomaaliyeed oo dhan guud ahaan iyo gaar ahaan magaalada Muqdisho.
Marki aan soo gunaanado hadalkan oo aanan runti uga jeedin in aan
niyada kaga dilo ummadda soomaaliyeed oo aan ogahay sida ay ugu baahi
qabaan nabad ka dilaacdo dalkooda..
Dagaalka Muqdisho wuxuu ku dhamaan karaa oo kaliye iyada oo uu
dadka ka soo dhax baxo hogaamiyaha aan sifihiisa kor ku soo tilmaamay
ama odayaasha dhaqanka, culumaa'udiinka, indheergaradka ay ka soo
jeedaan raggan madaafiicda la dhacayo ehelkooda ku nool Muqdisho oo
iyaga garto in ay runta isu sheegaan ,miiska dushiisana uga hadlaan
xagee bukto iyo side loo daaweyn karaa bukaankaas.
Bukaanka ma'ahan mid qarsoon, daawadiisana waa la yaqaan, laakin
waxaa wax walba ka horeeyo in koox walbo ka tanaasusho in ay milkiso
wax aynan iyada xaq u lahayn milkidooda, waana in ay koox walba
garataa tanaasulkeeda in uu nolol u yahay dhinacyada ishaayo oo ay
iyada ugu horeyso.
Reer Muqdisho waxaan kula talinayaa in ay ka baxaan khayaali ku
noolka ,maleeshiyaadka muqdisho ku tuntayna waxaan kula talinayaa in
ay gartaan khayrka la isku haayo in uu ka badan yahay ummadda
Soomaaliyeed oo dhan
Abdallah Moallim Maxamud(Cabdullahi siyaasi)
