Gudoomiyaha GMM, Xoghayaha Guud ee GMM, Gudoomiyayaasha GMM ee kala joogo dalalka Europe, America, Asia, Africa iyo dhamaan xubnaha ku abtirsada Golahan waxay si diiran oo taxdir ku jiro u soo dhoweynayaan dhaqdhaqaaqa dardargelinta dib u soo nooleynta mideynta siyaasada,dhaqaalaha iyo xoogaga beeshan oo ay beryahan magaalada Muqdisho ka bilaabeen qaar ka tirsan hogaamiyayaasha siyaasada ee beesha Mudulood oo mudooyinkan danbe ku kala irdoobay buuqa siyaasadeed ee hareereeyay dadka deggan gobalka Banaadir gaar ahaan iyo guud ahaan dalka Somaaliyeed tan iyo inti la riday xukuumida milatariga ahayd ee uu hogaaminayay Madaxweyne Maxamed Siyaad bare.

Sidoo kale Waxay GMM baaq u dirayan qeybaha kale ee gacan weyn ku leh siyaasada beesha Mudulood, gobalka Banaadir iyo tan dalkaba in ay iyagana u istaagaan kaalmeynta dhaqdhaqaaqa ay bilaabeen walaalahooda iyaga oo arrinta ka fiirinayo in aynan labada kooxoodba iyo koox kalaba hadaf buuxa ka gaari karin hamigeeda siyaasadeed halka uu hiigsanayo kol haddii uu xoogooda ,siyaasadooda iyo dhaqaalahoodaba ku dabran yahay tan beesha mudulood guud ahaan .

GMM wuxuu qeybaha howshan bilaabay uga mahadnaqayaa tilaabtaa wacan oo ay hore u qaadeen kana tarjumeyso hadafki abuurintaanka Golaha Midnimada Mudulood oo ahayd in la maro dariiqa midnimo taas oo aakhirka ku biya shubanayso midnimo guud oo uu dalkeena gaaro kagana baxo gacanta kooxa yar yar oo howshooda ku kooban tahay danaysi hoose salkana ku haayo doqonimo, xikmad la,aan iyo tarbiyad xumo ku raagtay shaqsiyaadka xanbaarsan sifaha danaysi gaar ah oo jidgooyo ku ah gaarida midnima Soomaaliyeed iyo Soomaaliweyn oo soo ceshato heybadi ay ku dhex lahayd dowladaha deriska la ah iyo beesha caalamka.

Dhinaca kale GMM wuxuu kooxdan ku tilaabsatay u dhaqaaqida mideynta siyaasada beesha Mudulood ku dhiirigelinayaa in ay walaahooda kale gaarsiiyaan fikir cad iyo falal muujinayo in ayanan arrinta ahayn fikir gaaban ee looga gudbayo arrima adag ee soo wajahay qeyb gaar ah, waxaa kale oo uu GMM ka digayaa fashilki ku yimaado maareynta dib u soo noolaynta iyo guul ka gaarida midnimada mudulood in uu mas’uuliyadeeda dhabarka u dhiganayo ciddi hor istaagto iyo ciddi gogasha la timaado dana shaqsi ah oo aan ka tarjumayn midnimada beesha iyo xaq u lahaashaha maamul u sameynta deegaankooda guud ahaan iyo gaar ahaan magaalada Muqdisho oo ay tira ahaan ku badan yihiin tan iyo inti uu waddanka Soomaaliya haleelayo gaarista codkaada dhiibo si xornima ah, soona dooro ciddi aad u argato in ay maslaxdda guud ee dadka iyo dalkaba u istaageyso.

Siyaasada GMM waa ka shaqaynta midnimada beesha Mudulood iyaga oo taa u arko in ay wax weyn ka tareyso gaarista midnimada Soomaaliyeed iyo deganaan iyo nabad wada noolaasho dib ugu soo noqoto dalkeeni hooyo ,GMM wuxuu beryahi u danbeeyay iyo ka horba xiriira badan la sameeyay odayaasha beesha Mudulood oo uu ku dhiirigelinayay soo afjarida khilaafaadka kala dhexyaalo siyaasiyiinta Mudulood iyo ka shaqaynta in tala wacan oo mid ah lagu midoobo ,waxaa kale oo uu GMM isla fariintan ugu baaqayaa odayaasha beelaha kale ee soomaaliyeed in ay maraan waddooyinka wanaagsan ee sahlayo mideynta beelahooda si ay u sahlanaato mideynta danaha beelaha Soomaaliyeed siyaasad ahaan ,dhaqaale ahaan taasoo ugu danbeyn abuureyso in laga baxo gacanta kooxa yar yar oo aan ku maqnayn danta guud iyo in dalkeena dib ugu istaago lugihiisa helana dowlad caadil ah dadkana u sinaato.15/12/2003

Xaghayaha Guud EE GMM  Abdallah Moallim Mahamud

1. Dr. ABDI MOHAMED ULUSSO, Guddoomiyaha Guud ee Golaha Midnimada Muddulood;

2. Mudane ABDALLA MOALIM MAHAMUD (Cabdulahi siyaasi), xoghayaha Guud ee Golaha Midnimada Muddulood

3.MAXAMED MUXIDIIN CALI, afhayeenka guud ee Golaha midnimada muddulood fadhigiisana yahay Magaalada Muqdisho

4. Dr Abdullahi Mohamed hirale, Guddoomiyaha Golaha Midnimada Muddulood ee Sweden.

5. Moallim Mahamud, Guddoomiyaha Golaha Midnimada Muddulood ee Canada.

6. ALI MOALIM MUSE, Guddoomiyaha Gol;aha Midnimada Muddulood ee USA,

7. ABDULLAHI AHMED MOHAMED, Guddoomiyaha Golaha Midnimada Muddulood ee Holland.

8. ABDALLA MOALLIM MOHAMUD, Guddoomiyaha Golaha Midnimada Muddulood ee Waddamada Carabta.

9. ABDULQADIR ALI GAAB, Guddoomiyaha Golaha Midnimada Muddulood ee Waddanka Ingriiska.

10. AHMED HADAFOW, Guddoomiyaha Golaha Midnimada Muddulood ee waddanka Jarmalka.

11. HASSAN SHEKH ABDI, wakiilka GMM ee Afrika, wuxuuna joogaa LESOTO.

12.Mr HASSAN HOLOWLE , gudoomiyaha golaha midnimada muddulood ee dalka Pakistan

13.HASSAN MOHAMED IBRAHIM,gudoomiyaha golaha midnimada muddulood ee dalka finland.

14. Yusuf Maxamed Maxamuud Biiteeye, gudoomiyaha golaha midnimada muddulood ee dalka sudan.

Abdallah Moallim Mahamud
moallem10@hotmail.com