Somaaliyeey qalooc qabe na daay dhaha,  

qayladhaanka  qolyahan Mbagathi jooga waa qiima la'aan dhaha,

qaran qurmis doonimayna dhaha ,

quraan diid qaadan mayno dhaha,

ku qaraabashada qandigeyna diidna dhaha ,

qalab la isugu keyn dhiibo qiil uma hayno dhaha,

qori nalagu toogto qaadimayno dhaha,

qas wade la qosalkiis waa qiira xuma dhaha,

qabashada askarta ilaaheey waa qaan aakhiro dhaha,

qunnaan ninkaan umadda  ugu shaqayn baska somaalida qaadi maaya dhaha ,

wiilal is qoomayo qalbigana wada buka qiyaadadooda doonimayno dhaha,

qolo qolo iyo kala qobnaan qaa’id doonayo qaadi kari mayno dhaho, 

qabiil lagu qaraabto iyo quursi aan dhamaan ha la qisaaso dhaha, qabqable dagaal waa qoonsanay dhaha,

qalin shubato qalinka ku xado waa qudh goys dhaha, 

qaa’in qaran uu keeno waa ka quusanay dhaha,

Somaali ha loo qeybiyo afar iyo jab waa qar ka tuur dhaha ,

qowl laabe waa qaadacnay dhaha,

qiil u doone qaniinyada deris xun waa qaa’in dhaha,

qeybsi aan loo dhamayn  kor nooma qaada dhaha ,

qaranka Somaliyeed midkaan qiimahiisa aqoon qaarka nooga bax dhaha, calankeena kor u qaadidiisa kii qoomamayo waa qaaya laabe dhaha,

Qaasim iyo ina Yusuf xabadka oo la isku qaado qalbiga oo qaawan Gen Caydiid iyo Cali  mahdi ayaan kaga quusanay dhaha.

 Somaliyeey xaalkeena waa kaa, xaalkeena waa kaa ay ku nool yihiin Dr Cabduqaasim Salaad, Col Cabdullahi Yusuf iyo asxaabtooda, waa sua’aal jawaab cad u baahan raggan  maxay ku kala maqnaayeen ,waa su’aal jawaab u baahan maxay ka sameysan yihiin raggan ku go’doomay meel uunan ka jirin fakir saliim ah oo ummad  baahi u qabto nabad ka dilaacdo waddankooda lagu hogaamin karo, su’aaladahan geddigood kolki aan u helno jawaab cad waxaa innoo soo bixi karo hogaamiyayaasha kale ee Soomalida badnkooda maanta in aynan labadan hogaamiya wax badan kaga duwanayn waa haddii ay jirtaba in ay ka duwanaadaan ,waxaa kale ee inoo soo bixi karo in ay caddahay in aynan surtagal ahayn xal ay la yimaaaan labadan nin oo soomali dhulkeeda ka yeeli karo meel nabad looga nasteexeeyo.

  Somaaliyeey toosa bay afka labadiisa kor ugu qaadeen iyaga oo gacmaha ishaysto, dhunkashadana dhinac walbo ula jeesnayo daqiqado keddib kolki uu Madaxweyne Yuweeri Musefeni qol mugdi ah oo aan luxudki ka duwanayn isugu keenay iyaga iyo asxaabtooda waayo aniga uma arkaba in ay yihiin dad war u haayo  in ay nool yihiin  iyo in berri hore ruuxa isaga tegay jasadkoodi oo kaliyana uu joogo.waxaa hubaal ah, shakina uunan ku jirin in ay Somaaliyeey qaloocda niyada ka lahaayeen, qaar badan oo dhinacyada iyo gadaalba ka taagnaa raggan lana  qaadayay heesti Soomaliyeey toosa wey ogaayeen (saaxibadood heesta ay afka ka qaadayaan, islahaayeena ha maqlo Yuweeri musaferni iyo in aad  xamaasad u haysaan xal u helida dalkiina iyo dadkiina) in ay ka duwanayd heesta ay caloosha ka qaadayeen oo ahayd Somalaay qaloocda haddii aad diidaan in aan hogaamiya idiin noqdo.

  Aan dib ugu noqono ka jawaabida su’aaladah kor ku xusan annaga oo soo koobayno labadan hogaamiya iyo kooxaha ay kala horboodaan maxay ku kala maqnaayeen ilayn waxba isma baddelin arrimaha shirka dibuheshiinta soomlida ee Mbagathi oo arrinka wufuuda siduu shirka ku bilawday sanad iyo bil ka hor ayaa loo daayay weyna aqbaleen  marka laga reebo isbeddelka ku yimid in uu markan shirka hor boodayo madaxweynaha dalka ugaandha Yueeri Musefeni oo  ay hubaal tahay in uunan waxba ku soo kordhin karin xal u helida khilaafaadka kala dhexyaal hogaamiyayaasha Soomalida kol haddii aynan suurta gal ahayn in uu dalka Soomaaliyeed yeesho tiro iyo shan madaweyne, adduunkana taa ma aqbali karaayo ilayn waa waali aynan waxba ka dnbayn.

  Raggan waxay sanad iyo bil doodooda badanaa ku slaysnayd tirada ergada oo noqotay mid aan xal laga gaarin ,maalin kasta oo horlana uu Kiblat ergayga Kenya ee shirka suu doono ka yeelayay, waxay ku kala maqnaayeen shirka soomali ha loo daayo, dastuurkana ha ahaado mid ay Soomali soo diyaarisay, Ergaga Itoobiyana ha joojiyo fara gelinta tooska ah ee uu ku haayo shirweynaha Soomaalida ,dhinaca kalana waxay lahaayeen dastuurka  ha ahaado kii la saxiixay, waxaa kale oo ay lahaayeen Masar, Jabuuti iyo Talyaaniga waxay caqaba ku yihiin in  shirka sidi loogu tala galay u socdo dowlad Soomaaliyeedna lagu soo dhiso,waa sua’aal kale maxaa isbedalay, jawaabtana waxay tahay waxba isma baddelin, Itoobiya waa sideedi oo rag daacad u ah ayaa gogasha u fadhiyo wax walbana ka hormarinayo danaha Itoobiya ka leedahay dalka  Soomaaliya, Talyaanigi waa sidiisi oo rag buu daystay oo u maqan, Masaaridi waa sideedi oo rag ay leedahay una ilaaliyo danaheeda gogasha kama maqno, Ameerikaanka howshan ishaysadkaa uma taalo oo mid walbo oo hogaamiyayaasha  ka mid ah diyaar ayuu yahay in uu u adeego ee iyagaa xag allah laga heystaa, albaaba badanna isku furay sidaa darteedna Soomali arrimaheeda uma soo jeedaan, Kenya iyadaaba shirka  daadihiso oo danaheeda waa ilaalsanyiihin .Soomalaay waxba isma baddelin oo ragga aan xalka ka sugayno howsha ugu weyn oo ay gogashaa uga qeyb galeen waa in uu madaweyne noqdo ama wasiir ,haddii uu intaa waayana xildhibaan aan la soo dooran ee farta lagu fiiqo, loona sheegay guriga uu xamar ka degi lahaa maleeshiyaadka baada hadda ku haysto in ay ilaaladiisa noqonayso.

  Yaanan waxba ku daalin hogaamiyayaasha Kenya joogo  ee Soomaliyeey  ha loo istaago sidi aan xal ugu heli lahayn arrimaha Murugsan ee waddankeena, tilaabada xal lagu heli karaana waa in aan ka shaqaynaa hogamiyayaal abuuro gogol Soomali loo dhigo waddanka gudihiisa, gogashaasna  aqbalkeeda waa in uu ahaada gobalka,deegaanka ama hogaamiyaha dhigayo in uunan ku amar ku taaglayn maareynta Gogasha, daacadna ay ka tahay xal u helida dhibatada daba dheeraatay ee waddankeena ka jirto.

   Somaaliyeey Shirka Kenya uga socda asxaabta aan la kala sooci karin dagaalkooda iyo nabadooda, is arag walbana  ku bilaaba Soomaliyeey toosa , dhamaadka is aragoodana ku dhameeyo somaaliyeey qaloocda,qaran diid ahaada, qaskana ha daynina kol haddii aad garanweyseen in aan aniga ahay hogaamiyaha ugu haboon ee waqtigan  dalka ku daadihin karo dhinac walbo oo xumaan looga baahan yahay.

10/01/2004

Abdallah Moallim Mahamud

Moallem10@hotmail.com