Salaan nabadgalyo dushiina ha ahaato  iyo raxmadii ilaahay

 

 

Nabadu bari samaaday leedahay                                       nabad daradu damiir laawey leedahay

Nabadu  bulsho wanagsanay leedahay                              nabad daradu  jidgoyayaalay leedahay

Nabadu  guri lagu hoyday leedahay                                  nabad daradu  guri la’aan leedahay

Nabadu geesi aan gablaminay leedahay                           nabad daradu  geesi gablamay leedahay

Nabadu  gadaal ka gaar danbay leedahay                       nabad daradu  goob dumisay leedahay

Nabadu   fool faraxsanay leedahay                                  nabad daradu  fool murugaysanay leedahay

Nabadu   qalbi wanaagsanay leedahay                              nabad daradu    qalbi xumay  leedahay

Nabadu   saxiib wanaagsanay leedahay                           nabad daradu   saxiib la’aan leedahay

Nabadu   habeen socoday leedahay                                   nabad daradu   socodla’aan leedahay

Nabadu salaan wanaagsanay leedahay                             nabad daradu    salaan la‘aanay leedahay

Nabadu   jiif wanaagsanay leedahay                                  nabadd araduna  jiif la’aanay leedahay

Nabadu dhalaan dhashay leedahay                                   nabad daradu dhalaan dhintay leedahay

Nabadu naas lanugey leedahay                                        nabad daradu naas guranay leedahay

Nabadu  raxmad ilaahay leedahay                                     nabad daradu   raxmad la’aanay leedahay

Nabadu  nimco aduunnay leedahay                                  nabad daradu   gaajo adduunay leedahay

Nabadu   shariif sheegey leedahay                                    nabad daradu   dagaal oogay leedahay

Nabadu muslinnimay leedahay                                          nabad daradu    diin la’aanay leedahay

     Maanta markaad firisid  dhulka Somaliya intiisa badan waxaa laga waayay nabadii iyo dawladii cid haysana  waa la la’yahay  shacbiga Somaliyeed wuxuu noqday baadi doon dawlad isagoo aan nabad haysan  oo waxuu u baadi doon u tagay meelkasta cadawba allaha ka dhigee  nabadiina waxay u kaliyowday cadawgeeda

Mudo kabadan 10sanadood waxaan radinaynay dawlad anagoo nabad haysan

Dawlad nimadana waxay ku dhax jirtaa  nabada  oo hadii lawada radin lahaa waxay u dhawaan lahayd inaan helno, nabadu iyadaa dawlad ah ,dawladi dawlad manoqon karto hadaynaan nabad jirin   jiritaanka nabada ayaa dawlad ah

Laba qofood aan nabad aheen wax ma wada dhisi karaan  haday dhisaana waxay dhiseen nabad laguma helo oo way dhuntaa. 

Hadaad qoriga u haysatid inaad heshid  dawlad aan kaligaa kaa maqnayn  walaalkana uu qoriga u haysto inuu helo dawlad aan kaligiis ka maqnayn  dawladnimadiina ay cadawgeeda u bahal yawday cid haysatana  aysan jirin , waxay ku haboontahay in si wada jir ah loo wada raadiyo intuusan cadawgeeda meel xun geynin.

Malaga yabaa inaan helno nabadeena iyo dawlad nimadeena?

Nabadii iyo dawladnimadii  waxay  u go’donsantahay oo  ku heraarsan  cadawgeeda iyo wax magarad aan coloshiisa ka aqli badneen.

Surtagal matahay dawladnimadeena iyo nabadeena inaan ka dhacsano oo aan ka badbaadsano cadawgeena inta dhiman intuusan  dhamaystirin.

  waa su’aal da‘ weyn oo madaxa dalinaysa?

waxaan loo dhiman laguma dheefsado waxaan loo sabrina lama hello.

Somaliya maanta nabad uradinteeda waa adoo seef afleh lagu yiri cago la’aan kor mar

Siraadku waa seef muminkana lugaha kama goyso naartana  kumo dhaco ,ruux walbana wuxuu kumaraa camalkiisa

Waxaa dhacday  nin ku safrayay meel saxaro ah  oo watay awr ayaa sexday  markii oo uu hurdadii  kasoo toosay ayuu waxuu wayay awrkii sahayda u saarneed  markasuu naxay oo uu u orday meelkasta oo ay jihadu ka jirto waxba waa arki waayay orodkiina waa uu ka quustay  inuu arko awrkii naxdintii  iyo daalkiina waa uu kabatay  markasuu  la  dhacay suxtin ,markuu ka soo tosay jiifkii naxdinta  waxay indhahiisa ay ku dhaceen awrkii oo agtagan markasuu farax dartii isku dardarsamay markasaa waxaa niyadisa ku soo dhacday  inuu rabigiis ku shukriyo isagoo aad ufaraxsan  markasuu yiri   ilaahow adaa mahadsan waxaa tahay adoonkayga anna waxaan ahay rabigaaga  isagoo rabay inuu dhaho  ilaahow  adaa mahadsan waxaan ahay adoonkaaga  adna waxaa tahay  rabigayga faraxii uu farxay dartiis ayuu hadalkiisa ayuu isku qalday. 

somalida maanta faraxii ninkaas oo kale inay faraxdo malaga yabaa oo ay ilaahayda ku xamdiso iyadoo waxba qaldin

Aan kala  doorano jano iyo naar anagoo joogno aduunka  aqiro dorasho majirtee fursadeenu waa intaan  noolnahay oo aan aduunka joogno hana ka quusan raxmada ilaah isagaa naxarisbadane ah.

Malga  yabaa inaan noqono cibaadu raxmaan ee uu rabi ku tilmaamay qura’aanka

Adoomada ilaah markay ku socdaan dhulka xasilooni ku mara iyagoo wax dhibaato ah gaysan ama aan cidi ogeen inay mareen iyo inkale ,markay hadal xumeeyaan kuwa jahiliinta ah ama fidna abuurayaasha ku dhaha nabadgalyo ama nabad . shahaado been ahna aan furin Hadii hadal xun la amrana iyagoo wanaagsan ka jeedsada oo wanagoodii sii wata

Ilaah hanaga dhigo kuwa aqaligooda cilmigooda diintooda  iyo  ilahooda kaalmaysta wabilaahi tawfiiq .

Cabdullahi Maxamed Nuur

Abdullahi05@swissonline.ch

Wariye mudulood.com