KU: SAXAAFADDA XORTA AH
KU: BEESHA CAALAMKA
KU: WAXGARADKA BEESHA MUDULOOD
KU: WAXGARADKA BEESHA HAWIYE
OG: UMMADDA SOOMAALIYEED EE NABADDA JECEL
Kadib markii ay culumaa’udiinka, waxgaradka,
odayaasha, aqoonyahanada iyo dhammaan xubnaha kale ee
Beesha Hilibi Daarandoole ka warheleen liiska ay
gudbiyeen shaqsiyaadka ku qaraabtay magaca Mudulood,
waxey sameyeen kullamo iyo xiriiro deg deg ah oo ay ku
xaqiijinayaan sida ay wax u jiraan, kadibna waxey
beesha soo saartay warsaxaafadeed ka kooban qodobadan
:
- In
beesha caalamka iyo beelaha Soomaaliyeed ee
nabadda jecel ay ogaadaan in Liiska loo gudbiyay
IGAD ee lagu sheegay inuu yahay liiska beesha
Mudulood uusan aheyn liis ay u dhan yihiin beelaha
mudulood sida uu qof walba ka garan karo magacyada
iyo jufooyinka ay ka soo jeedaan.
Waxeyna beesha iyadoo la kaashaneyso
waxgaradka mudulood oo dhan ka shaqeyneysaa in
liiskaas dib loo saxo laguna saleeyo cadaalad.
- In
beesha Hilibi oo ka tirsan beesha Mudulood aysan
marna xaqeeda uga hareynin shaqsiyaad isku
tilmaamay hogaamiye kooxeedyo ama duubab kuna
qaraabanaayo magaca mudulood
- In
Beesha mudulood oo ka kooban shan jufo heshayna 15
xubnood lagu koobay saddex jufo. Jufada Abgaal oo
la siiyay 11 xubnood, ujeedeen oo la siiyay 3
xubin, iyo Wacdaan oo la siiyay 1 xubin. Waxaana
halkaa looga tagey jufooyinka Hillibi iyo Moobleen.
Halka shirka Carta ay beesha Mudulood qayb ahaan u
soo aaday 11 xubnood taas oo ay shanta jufood ee
uu Mudulood ka kooban yahay ay xubno ka wada
heleen.
- In
beesha Hilibi ay la yaab ku noqotay xishood darada
iyo xaq iska dhowr la’aanta ay ku kacayaan
raggii loo xilsaaray qeybinta xubnaha beesha
mudulood oo runtii iyaga isku soo koobay xubnihii
oo dhan. Sidoo waxaa beesha la yaab ku noqotay
sida uu Imaamkuu oggolaaday in uu gafkaas meel mar
ka dhigo.
- In
waxgaradka, aqoonyahanada, duubabka,
culumaa’udiinka iyo siyaasiyiinta ka soo jeeda
jufooyinka sadbursaday ay walaalahooda la dulmiyay
u cadeeyaan mowqifkooda lana yimaadaan wax
ficil ah sida ragga qaarkiis ay sameeyeen si loo
ilaaliyo midnimada iyo walaaltinimada beesha.
- Waxey
beesha u mahadcelineysaa dhammaan dadkii
waxgaradka ahaa ee ka gilgishay xaqdarada ay ku
socdaan shaqsiyaadkan gaar ahaan Caaqil Xaaji
Koogaar, ganacsade Bashiir Raage iyo kuwii la soo
xiriiray beesha xubneheeda kala duwan. Sidoo kale
waxay beeshu u mahad celinaysaa Muuse Suudi oo
dadaal u galay in la saxo qaladkaas inta aanan la
gudbin.
Wixii faahfaahin ah kala
xiriir:
Inj. Cali Maxamed Cumar.
Dr. Nuur Xeydar Maxamed.
Dr. Cabdullahi Cali Cisman.
Drs. Khadiija Xaaji Cismaan
Prof. Xasan Maxamed Cali
Dr. Cabdulahi Sh. Cali.
Mahadsanid.
Prof.
Xasan Caraay:
xasancaraay@yahoo.ca
Inj.
Cali Madaxeey:
aomar@aol.com
