Waxaa isheeyda qabatay maqaalo eey soo qoreen jaaliyadda Mudulood oo ku kala nool dalalka Yurub iyo Waqooyiga Ameerika, eey uga andacoonaayaan dhaqan xumada eey ku keceen raga ka joogay fadhiga naayroobi oo Soomaalida ku qeebsaneeysay xubnaha Barlamaanka dib u dhisidoono Qarankii Soomaaliyeed oo bur buray.

Goobtaas waxaa ka cadaatay hunguri weeynaan iyo is tix gelin la'aan lo geeysta qabiilo muhiim ah oo cidda ka mid eh. 

Meeshaas waxaa nooga cadaatay in raga goobta joogay boobeen, kuna qeeybsadeen xubnihii ka dhaxeeyay Mudulood oo dhan, ayakoon dib usoo dayin in meesha ka maqan.

Caado aan Mudulood lugu aqoonin, ebedkiisne lugu arag eey noo bilaabeen, mase ka yeeleeyno, ma u meel mareyso.

Tano waxeey noola muuqataa dhaqan xuma eey ka barteen inta nagu soo qaxda iyo kuwa nasoo kor degay.

Waa ognahay in laga baxay waqtigii leeysu tix gelin jiray, walaalnimada, cirrada iyo culumanimada, laakin boobka u meel marimaayo inta is mooday in eey duudsan karaan xaquuqda iyo siyaasada ciddo dhan u dhexeeyso. 

Waxaan u aragnaa in siyaasada iyo dhaqanka la meeleeyo, lagana qaangaaro dhaqanxumada iyo dhiiga walaalaha oo waqti kasto lugu dhaadinaayo degmooyinkeeyna.

Qeeybinta waxeey nugula qurxaneed in cid kasto oo Mudulood eh la gaarsiiyo xubin u qalanto, ciddii ku qadane loo tix geliyo xubnaha ka imaankaro Doowlda iyo maamuka la dhisidoono. 

Xubintii walaakaa kuu haayo waa xubin gacantaada ku jirto.

Anaka ma lihin saan ha loo qeeybiyo, laakin waxaa hubnaa in la sixi karo qaladka eey galeen afarta ku shoortay naayroobi iyo kuwa taageersan.

Mudulood waa: Ujeejeen, Abgaal, Moobleen, Wacdaan, Hilibi iyo Ilaabaay.

Waa deeqaan xubnaha soo gaaray, haddii xaq iyo Iiman lagu qeeybsado.

Waxaa maangaabi eh in la ilaabo dadka aad meesha ku joogto oo xoogooda iyo sharaftooda lugugu tixgelinaayo. 

Kaligiin meel ma iska bixin kartaane, ha iska saarina dada aad ka dhalateen oo weli rajo idiinka qabo. 

Dhibka aad maanta geeysato, berri eey kaa jeebantahay ee saas u ogaaw.

Soomaali waxeey tiraa "intaadan wax falin ka fiirso, haddaad fashana haku faanin".

War badan wax tar maleh, laakiin waanada walaal odax ma muddo. Intaasaan uga baxay. 

Prof.  Galagul