Yaasiin Maaxi – Scadanevian, Sweden            maaxi@hotmail.com   

Göran Persson, the Primierminster of Sweden and Yassin Mahi a member of socialparty

Yaasiin Maaxi waxa uu ka mid ahaa ciyaartooydii hore ee kubada kolayga u  ciyaari jirtay naadiga Badda, Iminkana ku nool dalka Sweden, xubin fir-fircoona ka ah xisbiga social democradic ee haya maamulaka dalkaas, isla markaana ah musharax u tartamaaya doorashada gudiga degmada Katrineholm ee Sweden, wuxuuna dadaal ugu jira siduu xubin muuqata ugu noqon lahaa baarlamaanka dalka Sweden mustaqbalaka soo socdo haduu Eebe idmo.

Maxeey Sweden horumar ku gaartay?

Runtii waa su`aal mudan in leys weydiiyo, sababaha horumariyey wadamada reer Yurub, gaar ahaan Sweden.

Waxaan jeclaystay intaanan mowduuca u guda gelin inaan dhiiri geliyo qof kasta oo fikrad wax ku ool ah haayo inuu wax qoro si aay dadku ugu faa`iideeystaan, maadaama aaynu ognahay hadal meel laga yiri inuu markiiba baabaàayo lakiin qoraalku uu faa-faayo, dhaxal-galna yahay uuna jiri doono boqolaal sano.

Markii aay soomaaliya ka bilaawdeen dagaaladii sokeeye waxaa dhacday in badan oo soomaali ah ay u soo qaxeen dalalka reer galbeedka halkaas oo ay kala kulmeen soo dhaweyn wanaagsan oo ku dheehan benu`aadannimo, dadkaasi waxaay ka soo carareen kuwo kale oo  soomaali ah, iimaan laawayaalna ah aay wadaagaan diin, dhaqan, midab, dhul iyo af  kaliya

Dhanka kalena aanay jirin cadow shisheeye oo dibada uga soo duuley (yimid) 

Hadaba arintu si kastaba ha ahaatee dadkii soo yaacay waxaay qof walba tagtay meeshii calafka kulaheyd, inkastoo aay iska jireen iska (dhacyo) hor imaad  xaga dhaqanka soomaalida iyo kii aay u yimaadeen, hadane qof walbo siduu nolashiisa u hormarin lahaa ayuu ku dadaalay.

Waxaase xusid mudan in soomaalida  intii fursad u heshay iney ku noolaato Yurub ay ka faa`iideeysteen nolasha iyo qaab dawladeedka ka jira wadamadaas ayadoo la qaadanaayo wixii wanaagsan oo aan diinta wax u dhimaynin.

Wadamada horey u maray siiba Yurubta oo aay Sweden ku jirto horuumarka aay gaareen waxaa loo aaneeyaa inay ka dhalatay kaladanbeyn, wax wada qabsi, ixtiraam, ilaalinta dastuurka iyo xeerka aay dagsadeen Hadii aan tusaale usoo qaato waxaa la ogsoon yahay in dastuurku Sweden  leeyahay xushmad adag oo cid ku xad gudbi kartaa aaysan jirin, halka dastuurka uu Soomaalida agteeda ka yahay shay magac u yaal ah oo ay sideey doonaan ka yeelaan.Tilmaamahaas iyo horumarkaas lagu sheegay Sweden maqaalkaan kuma soo koobi karo balse waxaan isku dayayaa inaan wax ka tilmaamo. Tilmaamahaas oo aan u qaybiyey 5 qaybood.

1. In muwaadinka iswiidhishka ah uu leeyahay xaquuq iyo waajibaad isag saaran.

2. Xoriyad tasoo macneheedu tahay in muwaadinka nolashiisa xor u yahay ee uu go`aankeedu leeyahay islamarkaana dooran karo ayatiinkiisa.  

Saxaafada xorta ah oo iyana ah awooda afaraad ee qaran ku taagan yahay

3. Sinaan, oo iyana macnaheedu  tahey fursadaha dadka kale leeyihiin waa inuu muwaadinkastaa heli karo walow  mawaadinuuntu aay  kala asal, diin, dhaqan,fikrad iyo midab duwan yihiin, hadana taa macnaheedu ma`aha in mawaadiniintu isku si u wada dhaqmaan ama u wada noolaadaan.  

Waxaa jirto qadarin kala duwanaasho oo aan lahayn kala sareeyn.

ulajeedadeeduna tahay ineeysan cid  cid kale ka fiicnayn aay ku xiran tahay dhamaan bulshada ineey ku dadaalaan sidii ay wada jir dalkooda u horumarin lahaayeen.

4. Wadajir/Midnimo waa isku xirka bulshada, isla markaana uu qof walba u istaago qadiyada ah in ummadu mid tahay.

5. Cadaalad iyo is aaminid bulshada u dhaxeysa ayaa iyana ah aas-aaska horumarka bulshada, islamarkaana dhalisa shir, showr, go`aan wada gaarid iyo wada tashi  oo la macna ah demuquradiyad. hadaba qodobadaas aan kor ku soo xusey iyo waliba kuwa kale oo badan ayay  iswidhishku ku dabaqeen siyaasadooda, dhaqaalahooda iyo dhaqankooda.

Ugu danbeeyntii waxey culimada cilmiga bulshada ee reer Sweden isku raaceen inaan dagaal xal noqon ee xalku noqdo mid lagu xaliyo wadahadal iyo daryeel, ileen waxaa la yiri:

”Aan wada hadalno waa aan heshiino”.

Allaa wax og!

Yaasiin Maaxi   maaxi@hotmail.com