Afrika inteeda baddan oo innaga (SOOMAALIYA) aynu ku jirno waxaanu dhadhanka xorriyada ku baraarugnay dhamaadkii dagaal weynihii labaad ee aduunka, markii dadkii dagaaladaa ka qayb qaatay ay ku soo noqdeen wadamadoodii iyagoo Soo fahmay wadaniyada waxa aay tahay, Ayaa waxaa ka aas-aasmay dhulka Soomaaliyeed ee Ingiriisku gumaysan jiray (Waqooyiga Soomaaliya) ururo gobonimo u dirir SNL, (Somali National League)

Sidoo kale Dhulkii Soomaallyeed ee Talyaanigu gumeeysan) jiray (Koonfurta Soomaaliya ayaa iyagana laga aas aasay urur dhalin yaro ah kaasoo magaciisa la oran jiray SYL Somali Youth League

Dhacdooyin fara badan ayey soo martay soomaaliya iyo soomaaliduba waxa aan aamin sanahay inaan halkaan lagu soo wada koobi karin dhacdooyinkaas. Arintu si kastaba ha noqotee  Soomaalida waxaa aay Dowlad la’aan tahay mudda ku dhow SHAN iyo TOBAN sanadood. Islamrkaasna aay bur-bureen adeegyadii dowladda, Waxaana ka dhacay dagaal sukeeye oo ay ku hoobteen dad aad iyo aad u faro badan oo aan waxba galabsan, lagna gumaaday heyb iyo qabiilka ay u dhasheen. Ayadoo la burburiyay dhismooyinkii dowlada, ilaha dhaqaalaha iyo hantidii dadweynahaba.

Waxaa abuurmay Tujaar dhiigmiirata ah, gacantana ku dhigay halbowlaha ilaha dhaqaalaha oo waxaa kolkaa batay shaqa la’aan ku habsatay dhalinyarada Soomaaliyeed gabdho iyo wiilalba,

Sidoo kale markii ay waxbarashadu noqotay privat islamarkaana ku shaqeyso manaahij kala duwan oo laga soo qaatay waddamo aanan isku dhaqan iyo diinba ahayn.

Hadaba waxaa muhiim ah in la sheego in soomaalidu heli doonto goor dhow QARAN QABIIL ku dhisan, islamarkaana baarlamaankii ku meel gaarka ahaa oo isgana QABIIL lagu soo xulay, Madaxweynihiina sidaa ama si ka xun loo dooran doono goor dhow.

Xisbiga Midnimada Bulshada Soomaaliyeed wuxuu DFKMGka ah iyo XLIDHIBAANADIISA ka codsanayaa iyaga oo ka duulayo xal u helida dhibaatooyinkaas aan kor ku soo sheeganay in ay ku dhaqaaqdo si dhaqsiya dib u soo noolaynta adeega guud, iyaga oo adeegsanyo wada tashiyo fududeeyo ummaddana ka fogeeyo isku dhac iyo is af garanwaa sabab u noqon karo fashilaad iyo in dowladdda howlaheeda jid gooyo loo dhigo.

Waxaan kale oo aan ugu baaqeeynaa dowlaada in aynan ahaan mid ka dheerayso codkeeda  amma siyaasadeeda oo dhan ay ku tiirsantahay QOF ama labo QOF, balse ay ahaato mid arrimaheeda ku fuliso dulqaad iyo daryeelka talooyinka kala duwan oo loo soo jeediyo, kana qaadato hadba talada ay badanaa isku raacaan xubnaha dowladda ku jiro iyo la taliyayaashooda khibrada u leh iyo kuwa talooyinka la qaadan karo soo jeediya ee mucaaradka ah.

Hadaba si qarankaasi la dhisaayo uu u shaqeeyo waxaa lama huraan ah in la helo saddex arrimood oo midba midka kale ku xiran yahay, oo ah kuwa

aan kala maarmi karin kuwaas kala ah

Nabad, Siyaasad & Dhaqaale.

Dhaqaale iyo siyaasad midna lama fulin karo haddii aysan nabadi jirin. Sidoo kale haddii aysan jirin siyaasad cadcad oo caafimaad qabta oo himiladoodu tahay kobcinta iyo si-siman u qeybinta kheyraadka iyo dhaqaalaha qaranka iyo xasileynta nabadda, waxaa dhici karta in uusan shaqeynin nidaamkaas qaranka ah  sida marar badanba dhacday. Soomaalida waxay siyaasadda ula mid noqotay sir iyo khiyaanno. Balse, siyaasaddu waa nolosha, haddii ay siyaasaddu xumaato nolosha ayaa xumaata waa in taa la ogadaa.

Meel hoo u baahan hadal waxba kama tarto waxaan taas ula jeedaa Ummmada soomaaliyeed waxay maanta dooneeysaa waa DAWLADNIMO ee ma dooneeyso tuugeeysi, dil, dhac, qabyaalad iyo waxyaabaha wasaqda ah ee maanta socda, waxaanse leeyahay soomaalida hadeey rabto dawladnimo iyo qarannimo waa ineey garataa DANTA GUUD waxaana taas lagu garan karaa ayadoo SIYAASADDA SOOMAALIDA LAGA SIIBO XIDID XUMAHA KU JIRA EE AH QABIILEEYSIGA.

Aan orodno waa talo aan tuugada iska qabanona waa talo

Xisbiga Midnimada Bulshada Soomaaliyeed wuxuu taageero buuxdo u dirayaa dawladaan KENYA lagu soo dhisi doono 10 Oktoobar.

Hadaay wanaag sameeyso waan ku raaceeynaa wanaaga

Hadeey xumaan sameeysana waxaan ku tusineeynaa jidaka wanaagsan.

Allaa wax og!

Wixii faah-faahin ah kala xiriiri Qoraaga.

Yaasiin Maaxi Macalin

Scandanevian Sweden
maaxi@hotmail.com
ymahi@ssup.org

www.ssup.org