Wax walbo waxeey leeyihiin waqdhac inta badanina hal abuuradu waay asiibaan. Hadii aan wax ka taabto duluucda maqaalka ah kiisii labaad aan qoro.

” Soomaali Aragtayaa yaab aragtayaa” ayaa ah taariikhdan madoow ee soomalida ku habsatay ayaa sideedaba ah taariikh murugo leh oo sawireeysa dhibka ka dhacay beelahaan soomaalida ee isuma talisada ah, walax qoraal ahna laguma soo koobi karo, runtiina hal abuurku kama tago inuu asiibo dhacdooyinkaan layaabka leh, una sheego bulshada wixii suurtagal u ah in loo gudbiyo ummada Soomaaliyeed. Hadaba waxayaalaha ka dhacay baryahaan dambe Soomaaliya waa wax waali waali dhaftay oo aad moodo in aay Soomaalida heshiiyeenba afar waxyaalood oo kala ah

• Ii talimaysid
• Kuu talimaayo
• Wada tashan meeyno
• Kala tagi mayno

Cinwaanadaan waa kuwo iska soo horjeedo oo ”xujo ma falantee xaajo ayaa falanto”qofku waa inuu noqdaa ama talo keen ama talo raac, waxaadse moodaa in laga tagay hidihii iyo dhaqankii sooyaalka ahaa, oo ah lug hore hadii lug danbe dhaafto waa aay jabtaa taas oo macnaheedu tahay ALLOOW dersigii naga qaldoomay diirad toosh noogu iftiimi waxaa la joogaa Waqtigii la duceeysan jiray oo aaysan wax kale soomaliya iyo soomaalida ka socanaaynin. Cabdulle Raage naxariistii jano Allaha siiyee wuxuu yiri.

Soomaalidu dareen maleh darxumada qabiilkaa,
duli iyo qadhaa heshay.
Xamdi meeshi laga rabay xoowli baay ku marayaan
Ruux xiriirta jaban tahay xagasheeey ka kabayaan.
Midka sida wax loo xado ugu xeelad badanaa xaaji hebel la`leeyahay
Xal la raadin maayee xujaa lagu fikirayaa
Waxa aan ku xiranahay xabsi guudku furan yahay
Xaafadaha kama hadlaan xurgufa dhaxdoodaa
Xukun dowli la`ida ayaan lagu kale xayiran yahay
Xasharaad waxaa kacay xabadu u salaan tahay
Xanta iyo xag-xagadka iyo xumaanta la jecelaa
Xurmada xishoodka iyo xasnaadka la necebaa
Xilka ummada loo sido ku xadgudubku badanaa
Xabadkaan ka toogtay iyo xinjir bixintu fududaa
Dadku soow xabaal iyo xisaab kama cabsanayaan
Xagee laga fikirayaa?

Wadar iyo waaxid yaa waalan ? waxaa lagu jawaabi jiray waaxidka ayaa waalan laakiin Soomaalida hada nool gadaal gadaal ayey u aqriyeen. Wadartii ayaa waalan Meel wadartii miirdoorsoontay, la yaab maleh inuu waaxidkiina dhaho meel sideey u taal ayaa loola yaal uu isagiina raaco wadartii waalnayd.

Furuq markii la arkaa waraaboow faro ka leef noqdaa waxaa ayadana aragnay wax aaysan bulshada soomaaliyeed horey aaysan ugu dhaqmin laguna arag, sida dilka, kufsiga, xatooyada, lacag been abuurka, xaasidnimada,daneeysiga, boobka, dhaca, indho cadeeynta, maamul xumida nin tooxsiga, fowdada xaaraanta xashiishada khamriga, jaadka, sigaarka, maroorsi jiingad fuqsi bililiqeeysi iimaan laawaha afmiishaarka labo wajiilaha kii wax bartay oo qalinka wax ku xadaayo, qabiyihiina qaadanaayo oo quudanaayo, sharaftii soomaalida dhulkii lagu tuuray cidna dhulka ka qaadeeynin, xaaraantii oo la xalaashaday, tarbiyad xumi, siyaasad faasid ah ee uu naxwaheedu noqday ”waxna aan qalano midiyahana aan qarsano”. Taas waxaa sii dheer safka hore iyo hogaanka ummada oo u batay danaystayaal dhuuni raac ah iyo odayaal matalaayo siyaasiga, dhaqtarka, sarkaalka, injineerka, gasoorka, iyo kuwo kale ayagoon garasho iyo garaad u lahayn.

Waxaase ka sii daran in shisheeyaha aan la nool nahay eey nala yaaban yihiin sidii cid la arkaa aay u lahayd; aniga ayaa gob ah, aniga ayaa dad badan, aniga ayaa degmo fiican, anigaa ayaa carab ah, aniga ayaa ……. aniga ayaa …………aniga ……….aniga……inata soo hartayna waa gun wax magarato ah waxeeyna mudan yihiin inaa aniga hogaamiyo.

Aqriste waxaa iga su`aal Yaa dan kaa leh? Hadaad tahay DDDDDDDDDD …… Ama GGGGGGGG………aad tahay ama HHHH…….. Aad tahay Dunida maanta aan joogno ayaaba magaca Soomaaliya wax macno leh ku lahayn khasaaro iyo foolxumo maahinee ee uusan wax faa`iido ah u keenin dunidan Ilaaheey nagu abuurtay waxaanse aqristayaasha waydiinayaa su`aal taas oo ah Hadeeynu Soomaali nahay maxaynu aduunka ku soo kordhinay? KHASAARO maahinee.
Wixii faah-faahin ah kal xiriir Qoraaga Yaasiin Maaxi Macalin.

Allaa wax og!
Scandanevian Sweden
maaxi@hotmail.com
www.ssup.org
ymahi@ssup.org