Guul bilowgeed  dheh ,bishaaro dheh, ina geedi bogaadin Mudan dheh, boqor la sugaayay dheh, balaayo la bidhaans- anyay, nin beerka dhulka u dhigay dheh,indheergaratada Mudullood , kuwooda joogo Nayroobi, dalka gudhiisa iyo debadiisa, barbaar wacan dheh.

Inta aanan u guda gelin, nuxurka fariintan,waxaan halkan ugu mahadnaqaynaa Prf Cali Maxamed Geedi, wasiirka koowaad ee dalka Soomaliya oo ku tilaabsaday howlihi laga sugayay horaantooda, in uu ummadda Soomaliyeed u muujiyo, in uu yahay nin lagu aamini karo, hogaaminta dowlad uu xilkeeda ugu weyn maanta yahay, Soomali oo dib-u-heshiiso, dalkeedana ku soo celiso makaanki ay ku lahayd dowladaha Africa dhexdooda,Carabta, islaamka iyo adduunweynaha .

Mudane Geedi,waa sidaad u tiriye, waxaan shaki ku jirin “nin aanan gurigiisa dhisin ,in uunan guri kale dhisi karin”. Mudane, xikmadan waa furihi xalka soomaliyeed, sidaa darteed waxaan kaa codsanayanaa in aad hore ugu socoto, guusha aad ka soo hoysay dhamaynta khilaafaadki kala dhex yiilay hogaamiyayaasha Mudulood iyo in aad meel isugu keentaba hogaamiyayaasha siyaasada, oday dhaqmeedka, aqoonyahanka, haweenka  iyo dhalinyarada beesha Mudulood iyagoo raali isu ah.

Mr Geedi, waxaan kaa codsanaynaa dhamaadka howshaada in ay shiishka ku hayso hagaajinta dalka Soomaliye oo ah gurigeeni weynaa.

Mudane, taana waxaa loo mari karaa ilaahey idinkiis, sida aad haddaba heshiis uga dhex abuurtay beesha Mudulood, in aad heshiis uga dhex abuurto walaalaheena Madarkicis dhexdooda ,keddibna aad uga gudubto heshiisiinta beesha Mudulood iyo Madarkicis, keddibna aad uga gudubto adiga oo isu soo tumo quluubta beelweynta Hawiye Ilaahey idinkiis,keddibna Hawiye iyo Darood ,Hawiye iyo Raxanweyn, keddibna soomali inteeda kale ilaahey idinkiis,mudane tani waa in aad ku dhexwadaa haddii allah idmo, doonista walaalaheena Isxaaq iyo dhamaan dadyowga ku nool woqooyi galbeed guud ahaan.

Prf Geedi waxaan kuu rajeynaynaa in aad la timaado siyaasad salkeeda yahay dhowr arrimood oo aan kala maarmin kolki la doonayo kabida quluub shaydan kala dhex galay.

Ku tiirsanaashada ilaahey iyo sunnada rasuulkeena(NKHA), Dhegeysi, digtoonaasho,garasho, dulqaad, go’aan adag, dabacsanaan xikmad ku jirto kolki loo baahdo, daryeel iwm.

Mudane waxaan fariintan kuu soo gudbinaynaa annaga oo shaki ka qabno Madaxweynaha dalka ee adiga wasiirka koowaad kuu magacaaby, ma yahay nin yaqaano sida qeybtaada  looga cuno cad-san oo soomali oo dhan ka dhexeeyo.

Ma filayo in ay jawaabta tahay ,haa. Sidaa darteed,prf Geedi, waxaan mar kale kaa codsnayanaa in aad noqoto nin diyaar u ah, in soomaali lagu dhaqo qaanuun dadka oo dhan u siman.

Taana waa guul kuu soo hoyoto adiga, taariikh ahaan,waa guusha beesha Mudulood oo  aaminsan shaqo ku hoos timaado dhowritaanka qaanuunka iyo kala danbayn lagu hoos noolaado ,necebna ku tashiga in ay wax gaar ah ku helaan mas’uuliyad uu haayo wiilkooda,waana guul Soomali oo dhan u soo hoyoto. 17/11/2004