Masiibada
Soomalida ku habsatay ma fara yaro, haba ugu darneetee joogtaynta ku
noolaashada fekir ku eg maalinle iyo xisaab xume joogto ah
Kenya
waxaa loo tegay in lagu heshiiyo, dibna loo udbo aqalki Soomaaliyeed oo aan
loo kala harin dumistiisa.kenya waxaa loo tegay ku heshiinta
qaybsiga awooda ugu sareyso ee dalka Soomaaliya.
Keddib
marki la helay dastuur ,barlamaan iyo madaxweyne ,laguna guda jiro
dhamaystirka dhismaha qeybaha ka harsan dowlada ayaa waxaa soo baxayo, dhegaha
Soomaliweyna ku soo dhacayo in xubna ka tirsan golaha barlamaanka u
olalaynayaan in aan codka kalsoonida la siin Mudane Cali Maxamed Geedi oo
isaga loo magacaabay wasiirka koowaad, iyagoo xubnahaas eedoodo ku salaysan
tahay laba shay oo kali ah marka laga reebo xeelada ay u soo mareen riditaanka
xukuumadi Geedi, wallow uu isna barlamaanka dhinaciisa ku
tuntay ku dhaqanka dastuurka .
1)annaga
wuu naga tegay mudane Geedi kolkuu soo xulayay dowladi la riday .
2)
kooxda labaadna waxay doodooda tahay annaga nalama siin wasaaradi aan mudnayn.
Waa yaabe xubnahan miyaynan ogayn in aan Soomali oo dhan lagu raali
garayn Karin reer walba iyo Wasiir, miyaynan ogayn Geedi in uu dib-u-heshiisiinta
dadweynaha Somaliyeed iyo helitaanka dowlad loo dhan yahay ka yahay xubuin
muhim ah. miyaynan ogayn in uu Geedi wasiirka koowaad ku qaatay miisaanka ay
leeyihiin taageerayaashiisa.Miyaynan ogayn Geedi waa ridnay in ay dad badan oo
Soomaali ah ugu muuqanayso, aan ku kala tagno shirki labada sano loo fadhiyay
natiija la'aan.
Saaxibayaal,
waa xubnaha u olalaynayo riditaanka Geedi ,waxaan idiin sheegaynaa in aad
xisaabtantaan ka hor raadinta riditaanka Geedi, inta aynan dhicin xisaab
xumo waa in aad ka baaraan degtaan dhibka iyo khatarta ka imaan karto codka
kalsoonida oo loo diido Mudane Geedi, tan macnaheeda ma ahan ka hor imaanshaha
codka inta badan, balse waa is xasuusin iyo in Nayroobi loo tegay ku heshiinta
qaybsiga halbowlaha maamulka ugu sareeyo dalkeena.
Mudanayaal
Dhamaan xubnaha Barlamaanka Waxaad ogaataan Geedi ma'ahan nin macsuum ka ah in
uu khalad galo, khaasatan marki aad ka doonaysaan in uu si miisaanan u qeybsho
dhowr wasaaradood oo muhim ah, ishana ay ku wada haayaan qabashadeeda qabqable
dagaal.qabqable siyaasadeed iyo qabiil qab ku jiro.
Is xusuusin guud, idinkaa yiri qabiil ha la qarameeyo ,idinkaa yiri
qabiil wax ha lagu qaybsado, idinkaa xubnaha barlamaan- ka ku hesheen magac
qabiil ,sidaa darteed ha hilmaamina in Geedina qabiil ka soo jeedo,
codka kalsoonida oo aan la siina in ay taageerayaashiisa u aqrisanayaan xumaan
ula kac ah iyo ujeedo qayaxan.
Isxasuusiya guusha shirka ama fashil ku yimaado in aynan ku koobnayn
shaqsi gaar ah ama qabiil gaar ah midnaba.
Mudane geedina waxaan ugu baaqaynaa in uu dadaal la yimaado, awoodiisa
xisaabeedna dul dhigo sidi uu ku soo xuli lahaa dowlad ay inta badan Soomalida
raali ka yihiin, kana madaxbanaan faragelin shisheeye iyo nin jecayl.
Abdallah
Moallim Mahamud Moallem10@hotmail.com
