Mahad Alaah baa lah, runta iyo xaqa waa laga mamaarmaan, rabigay wuxuu na siiyay caqli aan waxa san iyo kan xun ku kala garano weliba Alaah quraanka wuxuu noogu sheegay in runta aan sheegno xitaa hadii ay noqoto naftayada, tan reerkaada ,tan walaalahaa,  waxaana soogalaayo qabiilkaaga in aad runta usheegto.

Nin aanan dooneynin in aan magaciisa halkan ku qoro ayaa wuxuu qoray maqaal uu ugu magacdaray (biyo lawaayay weeso ayaa lagu jiriyaa) maqaalkaa oo ku qornaa websiteka mudulood, maqaalkaas oo runta iyo daacada ka fogaa, sawabtoo ah wuxuu iska dhigaayay qof waaninaayo beel uusan ku raacsaneyn in ay xaqeeda raasato, isagoo ku lahaa yaan hublaqaadan, yaa isbaaro ladhigan.

Su,aasha meesha taalo ayaa waxay tahay qofka maqaalkaas qoray mayaqaanaa meesha waano iyo talo ay kabilaabato? jawaabtu waa maya, sawabtoo ah kuwa  maanta heysto hubka oo ay ibaarooyinka utaalo waa tolkiisa ama beeshiisa waxayna aheyd inuu ka bilaabo waanadiisa iyo taladiisa beesha uu ka dhashay waana mid ku waajib ah. waxaana oran lahaa qofkaas inuu aqristo aayada qoraanka ee ku jirta suurada baqara waa tan 44aad.

Aqristow waxaan rabaa in aan soo qaato qeybo kamid ah maqaalkiisa iyo sida ay uqaldanaa iyo waliba sida ay mudneed inuu uhadlo balse uu garanwaayay qoraaga, waxaana kamid ah qormadan hoosku qoran oo aan kasoo qaatay maqaalkiisa waana siduu isaga u qoray.

(Waxaan kaloon rabaa inaan u nasteexeeyo in badan oo ka xishootay inay wax qarribaan oo aaneey saameeyn dagaalada sukeeye, kana qayb qaadan muddadii 14 ka sano ahayd, laakiin aad moodo inay hadda is leeyihiin maxaa awood-qaybsiga ladinkugu qadiyey,)

Waxaan rabaa in aan usheego qoraaga inta badan ee aad  adiga uqirtay in aysan ka qeybqaadan dagaalada sokeeye kana xishooday inay wax qaribaan 14kii sano ee nasoo dhaafay, aysan ubaahneyn nasteexo xagaaga ah, balse nasteexadaadu ay ubaahan yihiin tolkaaga ku jira dhibtaas aad kor ku xustay.Waxayse mudneed in aad ka hadasho sawabta awood qeybsiga loogu qadiyay beelahaasi xishooday.

waxaa kaloo kamid aheyd qoraaga qormadiisa jumladan hoos ku qoran

( Waxaan ku soo gabagabaynayaa khaladka ninka ama gabadha riwaayada wada jilaya ma arkaan ee waxaa si hufan khaladkaas u arka inta fiirsanaysa)

Waxay mudneed inaad aragto qaladka beeshaada maadaamo aad ka mid tahay dadka ruwaayada fiirsanaayo,laakiin waxaa ceeb ah in aad aragto waxaan qalad aheyn, mise sidii muuse ayaad xaqdaro xal mooday.

Wuxuu kaloo yiri qoraagu.

  Waxaa in taas ii dheer wax badan ayaan ka akhrisanaa maqaalo badan oo beel khuseeya oo websiteyada lagu soo qoro, marka waxaan leeyahay hadda kadib aan isku wacyi galino danta guud, midda gaar iyadaa imaanaysee, mustawaheenana aan ku xadidno inaan hogaamiye kasta reerkiisu u run sheego, oo aan loo huwaawayn hadda kadib, khaladkiisana yac layska yiraa, illeen waa tii la dhihi jiray imaam adeerkiisaa u run sheega.

Aqristow waxaa layaab ah qof aanan garaneyn waxa saxda ah iyo waxa qaldan oo hadana naftiisa beenta usheegaayo si,uu isaga dhigo qof dadka  wax wanaagsan usheegaayo, waxaase yaab leh aqristow qoraha maqaalkaas, hadiiba aad aqriso maqaalkiisa inuusan aqoon ulaheen waxa uu ka hadlaawo ama uu qoraayo, waayo wuxuu leeyahay, hogaamiye kasta reerkiisa runta ha,usheego, hadii ay tasi karun tahay waa inuu usheegaa hogaamiye kooxeedyada tolkiisa ah arintaa, illeen waa tuu isla isaga yiri imaam adeerkiis ayaa run u sheega.

Dardaarankiisana bal fiirsha

waxaa iga dardaarana inaan xildhibaan ama wasiir si loo noqdo inaan isbaaro la dhigan, qaadicu dariiqna la noqon, ummadana aan dagaal lagu jahayn, waa iga nasteexo, ciddii samaysana ijaafo adduun iyo mid aakhiraba ha ogaato inay sugayso.

Hadalkaan waa dar daaran iyo nasteexo wanaagsan, waxaanse usheegayaa qoraha maqaalka in ay dardaaranka iyo nasteexada ka bilaabato naftaada, gurigaaga, reerkaaaga, ilaa iyo tolkaaga. marka waxaan ku dhihi lahaa waxaad tahay nintiisii gabay oo hadana mid dadkale inuu ka hadlo rabo, ee taada soo sax marka hore, markaas ayaan danta guud isugu imaan doonaa, waxa kaa soo hadalsiiyay waa qabiil ee qabiilkaaga runta usheeg, ee ka badbaadi ijaafo adduun iyo mid aakhira.

QORE JAMA HUSSEIN HASSAN
          jamamob99@hotmail.com
          jamamob@yahoo.com
          jamamoobleen@aol.com