Salaan nabadgalyo iyo mid naxariis  dushiina ha ahaato

Ciid wanagsan umada Somaliyeed meel kasta oo ay joogto nabad iyo bar waaqo kuwii ku wada nolaado Allaha naga wada dhigo  Aamiiiiiiin

Sida aan la wada socono dhamaanteen 14 sano ay somaaliya dawlad la’aan aheed iyo maanta muqdisho xaalkeeda sida uu yahay  taas oo aan aad ulla soo yaabay mudaddii aan jogay.

Nidaam cusub, af cusub, dhaqan cusub, istixgelin cusub,

Qoriga iyo aqliga waxaa hor shaqeen og qoriga

Gurigii qori haysto wuxuu gumaystaa gurigii aan qori haysan

dhalinyaro qori qabiil loogu magacdaray haysato qofna aan ka amar qadan marka ay wax dhacayaan  ciday donaana way dilaan

Hadaad wax ka qabo aad is tiraahdid kii qabiilka ugu magacdaray ee ku ganacsanayay ayaa   difaac u ah  wixii xuna gabaad looga dhigtaa

Maslaxada qabiilkana waxay tahay hadii dagaal qabiil dhaco inay magaca qabiilka difacaan awalba xalaal kuma nolayn kuwa qoryaha haysta  jahanama toos ha u aadaan .

Ganacsatada wax walbay ka ganacsadaan xalaal iyo xaraan uma kala reebana dhiiga dadka waa shaarka ay huwan yihiin 

Dolar waxaan aheen kama hadlaan kumana soo hadal qadi kartid hadadan hayn iska tag uun bay tahay jawaabtooda dolarka  isagaa na’ an facaayee adigu na anfaci maysidee

Aqoon yahanada intooda badan waxay madax ka yihiin uraro laga maal galiyo dhulalka yurub iyo maraykanka iyo carabta

qaarna waxay wax baraan ardayda somaaliyeed iyo qaar u shaqeeya shirkadaha waa weyn ee ganacsatada ama waxay u shaqaystaan  iskood waa habka ay ku ganacsadaan aqoon yahanada kuwo xaraan ku shaqaysto iyo kuwo xalaal ku shaqaysto labadaba way leyihiin.

Culimaa’udiinka kuwa dhaqankii hore leh iyo kuwo  dhaqan cusub leh waa labadaas qaybood kuwa dhaqanka cusub leh waa ganacsatada qayb ka mid ah dhinac kasta oo uu ganacsiga leeyahay ayay ku jiraan waxayna u badan yihiin kuwo dibadaha basobooro ku leh ama sharci ganacsi dowladaha qaliijka .

Inta sida xun u shaqaysata oo leh qaybaha bulshada ugu muhiimsan qabiilna aan u ku kala socnayn hadaf kooduna uu yahay sida ay dhaqaalo u heli lahayeen  waxay ka baqaan in dowlad lahelo ama umada ay ku nolaato si wanaagsan ama waxii u dan ah

Si aysan shaqada xun aysan u wayin nolashooduna aysan ciriiri u gelin waxay umada u dhibaataysantahay kama sameen kartid

waxayna jecelyihiin inay  umada ay dhibkaa ku jirto si ay wax u helaan

Taasay maslaxadoodu ayay arkaan inay ku jirto waxayna umada wanaaga  jecel oo rabto inay  si xalalaala  ku nolaato  waxay ku maweeliyaan dhibkaan dhib laga baxaayo maaha wax kastoo kugu dhaco iska adkayso illahaga ka baq waxaan waxaa u sabab ah dowlad la’aanta

Waxii xun in la toosiyo iyagaa car qaladeeyo  dowlad in la helo waa mida ay ka baqaan ilaah sukudiis.

Magalada  waxay u qaybsantay qaybo badan qayb ay eeyaha iyo xolaha dur jogta ah ay ku hoydaan oo ah dhismayashii hore

Jer dinoyinkii lagu nasan jiray waxaa laga dhistay goob ganacsi jidadkii xafadaha marayay waa laysku wada balariyay ilaa ay jidadka qaarkood ay xirmaan

Xafadihii  qarkood waxay isu badeleen suuqyo isku xirmay dhismayaashii dowlada waxay isku badaleen deegaano la deganyahay

Qaybtii duurka aheed oo laga dhisay guryo aad u uquruxbadan midabkaad dontid leh. 

Jidadku waa boholo waa weyn qaarna waxaa dhaxyaala biyo aad u uray  iyo qashin buux dhafay waxaad modaa dhul lama degaana oo ay dadkii ku nolaa oo uu beri hore dufaan iyo dabaylo robablehi uu laayay bustana ay sanka iyo indhaha ay kaa galayso dadkuna ay si riyo ah ay ugu dhex nolyihiin.

Waxa laysku haysto ma qabiilbaa mise waa dhaqaale

Waxaa kuu cadaynayso in waxa laysku haysto uu yahay dhaqaale inuu nin walba uu rabo inuu hello dhaqaale aan loo dhididin kii ku donaayo magac dawlo iyo kii ku donaayo magac ganacsi ama isbaaro

waxaan marqaati ka wada nahay shirkii nayroobi waxa wax lagu helay inaysan aheen magac qabiil balse ay tahay dhaqaale

Magaladada muqdisho waxaa wax looga gaban waayay maaha  dagaalo qabiil oo kaliya waxaase la kasi wayay habkii dhaqalaha layskugu af garan lahaa  nin walbana siduu doonuu ku dontay ama isbaaro dhigayaa dhul canshuur ka qadayee ama amxaaro aadyee.

Hadaan dhaqaale doon nahay maxaa qabiilka ugu been aburanaynaa oo aan u lenahay isgaa  laysuku layay?

Su’aashaa jawaabteeda waxaan u dayay aqristaha ,

lacagi  qabiil ka sharaf badan waxaana layiri labadii isjecel wax isugu dar dhaqaalo iyagaa is nici doonee, waxa ina dhigay dowlad la’aan 14 iyo tobanka sano inay tahay  umad dhaqaalo doon ah, koox haday wax hesho ay ka daba dhalato koox cusub balse aan aqoon u laheen habkii ay dhaqaale ku heli lahayeen kuna wada nolaan lahayeen si nabad ah Meel kastana madaxaa lagu tagay illaa aan indhahii beelnay  oo aan is laynay   qayraadka uu illahay dhulkeena dhigay bad iyo beri aan ka fa’iidaysan waynay anagoo nabad ku wada nool.

Wabilaahi tawfiiq

Cabdullahi maxamed nuur

Abdullahi05@swissonline.ch

Wariye www. mudulood.com