Mahad oo dhan ALLAAH bey u sugnaatay, waxaana ALLAAH uga mahad celinayaa waa fajinta uu iwaafajiyay in aan bilaabo maqaalada aan ugu magac daray guuxa mudulood, oo aan qeybta koowad iyo tan labaad horay uqoray. Halkan waxaan rabaa in aan kusoo ban dhigo qeybta sedexaad, oo aan ugu magacdaray geediyow gacal gef iyo gardaro ayaa kala geeyay.

  Waxaana aad ugu faraxsanahay gooxa ka soo geeray qeybaha kale ee Mudulood sida (DR HIRABE IYO MOHAMED AHMED WALLEYS), iyo  dad badan oo aan emaillo ka helay, waxaana rabaa in aan wax kataabto qeybaha ey labaduba farta ku fiiqeen, oo ah hogaanka Mudulood kuwa dhaqan iyo kuwa hogaamiye kooxeedba iyo sida xal loogu heli karo xaalka  mudulood.

    Soomaalida waxay tiraahda fartaada oo xun filqin kaaga ma godo, taas oo aan ula jeedo moobleen sina oogama bixi karo Mudulood ileen wuu udhashay, sidoo kale duub xun iyo dagaal ooge xunba tolkooda ayay ku tolan yihiin, ileen horey ayaa loo yiri (faqi tolkiis kama jano tago) ana waxaan dhahayaa (tolna faqigooda  xun kama tashadaan). Taas oo aan ulajeedo in beesha abgaal oo ah hormuudka mudulood, ay weli maran habaabinayaan hogaamiye kooxeedyo iyo mid dhaqan oo xun.

    Waxaase isweydiin mudan hogaamiye kooxeedyada iyo kan dhaqanka ee xun maxay wax ku qaateen magacooda mise magaca beesha Mudulood !!! ?  Anagoo weli og in ay matalayaal hal beel oo mudulood kamid ah, maxaase udiiday in ay qeybtooda ka dhigaan mid cadaalada udhow?   qeybtaas xun maku qanacnaa mise waan ka qeylinaa? mise xigto isku dhaga nugul ayaa sidaa u dhaqmo? maxaase u xal ah xaalka Mudulood? mise gafka iyo gardarada lasameeyay ina geedi oo gadaal kayimid ayaan ugeynaa garqaadisteeda?.

    Waxaase xaqiiqo ah inay magaca Mudulood qeybta ku soo qaateen, cadaalad darona ku qeybiyeen, laguna qanci karin, qeybtoodana xigto isu soo dhaweynaynin, ayna xal u heynin xaalka mudulood. Marka hadii ay nimankaas ahaayeen xabadley (dad qoriga ku xoogsanaayay) xal mawaxaan ka sugeynaa xirfadlaha ina geedi sida  uu ugarqaadi lahaa gafka iyo gardarada loo geestay gobal ka mid ah guriga Mudulood.

    Soomaalida waxay tiraahdaa haanta dusha sare calaw ka ah hoosteeda ayaa ka daran, waxaa kale oo ay dhahaan geela hore saan qaadkiisa ayuu kan danbena leeyahay. Taasi waxaan ula jeedaa in aan wax weyn laga sugeynin oo wanaag Mudulood nimo ah ina geedi, waayo waxaan ognahay sida uu ku yimid markiisa hore meesha, waayo owrtaas meesha ku dur durisay ayaa daaqada kasoo gelisay, durbana ra,iisul wasaare ka dhigtay. Waxaana daadaheynaayay dablayaal Itoobiyaan ah oo aan danka laheeyn dareenka guud ee dadyoowga soomaaliyeed.

    Marka hadii hormuudka hogaanka mudulood uu aad uxumaaday maxaa inala gudboon oo aan ku xalili karnaa xaalka Mudulood!!!, soomaalidu waxay tiraahdaa walaalkaa hortaada ayaa laga dayaa ee hoostaada lagama dayo, taas oo aan ula jeedo haddii talo kaa xumaato walaalkaa ayaa laweydiyaa, waxaa kaloo layiri caqliga kaa maqan walaalkaa ayuu ku jiraa,  mase laga yaabaa hogaankaan xun inuu caqligooda xalkeeno?. Maxaase loo waayay aqoon yahano iyo culumo udiin arinkan xalkeeda raadisa? mise sidii uu sheegay walaalkey inawalleys reerku waa la heystayaal!!. waxaanse garan waayay gafka iyo gardarada gacal kala geeyay gar qaadisteeda yaan u geynaa???.

    Marka cidkasta oo wax garad ah waxaa halkan ooga cad in aan xal loo heynin xaalka Mudulood, hogaan xunna inuu xal keeno waa xarafka (ALIF)( waa kan ugu horeeyo alifbeetada afcarabiga) oo xarago loo yeelay, xishood daro, isxaqirid, xurmad la,aan,  ayaa maanta dhex haahaabaayo xaalka Mudulood!!!!!!!!!!!!!!!!!!.

QORE JAMA HUSSEIN HASSAN
          jamamob99@hotmail.com
          jamamob@yahoo.com
          jamamoobleen@aol.com