|
 Soomaali
dowlad u wada bugto,Saada
wacan dooneyso,samaan iyo xumaan, dhibaatadan dheeraatay
in ay salka dhulka u dhigto suubineyso, sanad ka hor safar carta
u tagtay, silac iyo saxariirti loo maray in ay
socatadeeda saxansaxo roob ka dilaacdo saadaalineyso,sow bukaan hor leh maaha,
in roobki la sugaayay lasoo baxo Saada sisiqeyso
oo sina u xishoon,silic dileynta sabool iyo
saqiir midna aan kala saarin,halki sareen iyo bariis laga sugaayay in ay suuqa
ku daadiso Soomaalina dherag
sibaaxdo ayey lacag
been abuura sicirkina cirka ku sintay suuqa la yimaadeen
si jeebkooda u buuxsamo, haddana maanta waxaay isku haystaan adigaa
badsada iyo maya
hebel hunguribaa
sara kiciyay ee aan salka u dhigno, sirteenana aan asturna inti uu zamanka
nagu simaayo .
Hordhac keddib daal iyo dandarro,gaajo,dhac iyo boob aan dhamaan,dil aan meel
loo dayin ,dad dadka cunaayo deegaankoodina dayacay, doodooduna tahay xaq u
dirir iyo mujaahid baan
nahay, daalimki
baan dirnay, dowrkan annagaa leh, diidnay oo dagaal baan ka nahay deegaankiina
taga ,haddii loo doortay daadihinti maandeeq
waxaay ka keeneen dood dhexdooda ah
wadaadka waa irhaabi iyo wiilkan da’da yar danta guud ma garan,sow dirir
doqoneed maahan oo wiilki ku tagay iyo midkii daqar ka gaaray aan addunyo iyo
akhiro loo meel dayin.
Dad aan ogayn intaa daran intaa dilan
intaa daawa u baahan, deegaankoodina daalim iyo duul kale dashiishe iyo qoriga
dhuunta dheer ku daaqaayo, aarkoodana dilaayo doqonkoodana
daynaayo ,Waayeelkodina dabin baa loo qoolay ,dabar baa lala helay Duqi hiraab
baa tahay ,deegaankan adigaa ka maayara, duqi Mudishaa tahay ,daakhilayana
waa laguugu daray, daryeelka xeer ilaalinta adigaa leh ,dirici SRRC baa tahay,
daryeelka dadkaadana dusha how dhigan,qalinka ku duug dikireeta walba doolar
baana la socda ,dibnahana ha furin dadkana dhinac ka raac, dadkaas oo haddana
dalka in uu dego dowlad helana doonaayo sow doqonimo iyo dayacnaan maaha
daashka dowladda carte
& SSRC dukaal
ka doon .
Dad dayacan duur galna ah ,debadahana la
meeraysanayo dal baan nahay, duunyadoodina duul kale xaq dare ku darsanaayo,
doodooduna tahay koofur
ma deganno, dalkeenana
waa nabad, daalim
dowrkiisi xumaa dalka laga yaqaan uu daadihinaayo,
sow dandarro,dayacnaan iyo dadkiina isa seega
maahan.
Dad dareenkooda wacan yahay, damiirkoodana kacay, diidnay keli
taliye doodoodu tahay, haddana dib jir iyo doqon aan garan danta gaar
iyo tan guud, dadka soomaaliyeed kala siman, in gobalkooda
daawo loo helana doonaayo, wiilki
bukaan socodka ahaa oo labada dacal haayo anigaa
iri deegaankaygana waa Mudug, duulaan
baan ahay dabka u garaarsanyahay, iyo doqonti
muqdisho u dabayshatay, doolarkana halkaas uga soo
diraysay dadkooda in ay kala dilaan, iayagoo doonayo daar wacan iyo dulmi
horay u dilaacay, sow dagaal ,dandaro iyo tala dabayshatay
maaha.
Daryeel allaa leh
dadka Bay iyo
Bakool dego, duulaankey
galaan, dad badan ku waayeen, mirihiisi laba
doqon baa daawgiisi dacal mariyeen, midkoodbaa
durbadiiba diktator noqday,
dushana ka fuulay gaarigi daadihinyay kuwii
tobanka sano nagu daaliyay dagaal aan dhmaan, deegaankooda
iyo dalkana ka degi waayeen, Deerow baa
ka daray oo dimoqaraadi baan ahay yiri, daar
iigama dhisno muqdisho doodiisi dadban noqotay, dadkiisina u dayacay muqdisho
oo aan dagaalkeeda dhamaan, dib jir iyo doqqonna ku doodayaan, anigaa
daadihanaayo iyo anigeey deegaangeyga tahay,sow daryeel xumo,tixgelin la’aan
iyo hogaan dabayshada maaha.
Dadka dooxada jubba
dega xaqoodi waa la duudsiiyay, Deegaanka yaa leh ayaa dood la geliyay,
taariikda qoran ayaa la duugay doodna laga keenay, dagaal iyo dirir aan
dhamaan baa dusha laga saaray, dad aan deegaanka lahayn baa isku dilaayo
dooxada waa dalkeygi afartanki sano ee u dambeysay iyo anigaa duulaan ku degay
,dulli alla nama badee
daalimiin baa isku haysto, sow arrintu
darxume,dayacnaan iyo cadaala darro deegaangan iyo dadkiisa la baday
maahan.
Hogaan wada daalima dadki iyo dalkana dayacay,dadweyne dagan oo dulli u sacab
tumaaya,tujaar dilan dareenkoodina dhintay dad iyo dalna aan danaynayn iyo
wadaad xume ku doodaayo xaqa yaan la doonin ee xal ha la doono,aqoonyahan
debadaha dawarsanaayo iyo duqow dan mooday doolar jeebka loogu shubaayo
intaanba iyo in ka daran dalkeeneey dul joogaan.
Somaaliyeey is daba
qabta,tala daalim,dib jir,damiir laaba iyo dagaal ooge diidnay dhaha oo
doona dariiqa Dowlad wacan ,hogaamiya damiir leh ,cadaalad
dilaacdo,deegaan is maamulo,dowlad loo dhan yahay, cabsi iyo gaajo na dayso,
colaado sukeeyo oo dhamaato,dayrta iyo gu’a oo da’o,aqoonta oo la dugsado,
qabiil xume oo la duugo,calanka oo dusheena ka lalmado lana daryeelo,dadka oo
is darjeeyo oo intaba iyo in kale oo wacan lagu helo xumaanta oo ilaah
looga towba keeno, rasuulkana(CSWS)
samaan looga daydo dariiqiisana la maro iyo diinta islaamka oo la daryeelo
laguna dhaqmo.18/10/2001
Abdalla Moallim Mahamud
Moallem@lycos.com
|
