Hay’ada qarmada midoobay,hay’daha madaxa banaan ee ilaalinta xaqa ruux kasto oo insaana leeyahay,iyo dhamaan dadka jecel in lagu wada noolaado nabad waxaan ka codsanaynaa in ay naga kaalmeeyaan sidi loo baari lahaa gacantana loogu soo dhigi lahaa cidi fal denbiya meelna kaga dhacayo xaqa beni’aadamka ka geystay dalka Soomaaliya sidi dalka ruwanda ka dhacdayba ,maxkamadna la hor keeno  ha ahaado hogaamiya,maleeshiyo,caskari iyo madani oo lagu eedanayo in uu danbi ka galay xaqa dadweynaha Soomaaliyeed.
   Waxaa usbuuci na dhaafay magaalada muqdisho garoomadeeda faraha badan   mid ka mid ah  ka soo degay nin lagu tilmaamay in uu yahay baare madax banaan ee xagga daryeelka beni’aadamka ku takhusasay isla markaasna la shaqeeyo hay’ada qaramada midoobay lana yiraa Dr gaanim al najra, arrintan waxaay dadka indha indheeyo arrimaha soomaalida ku tilmaameen in ay hormood u noqon karto in gacanta lagu dhigo mustaqbalka dhow dhamaan wixi ku kacay fal wax yeeleeyay basharka ku dhaqan waddanka soomaaliya gudihiisa muddadi kala dambayn la’aanta ka jirtay dalka oo idil, eedeysanayaasha  oo maanta xor ah dalka Soomaaliyana meel walbo si nabada ugu nool iyaga oo garaarsan qori welina gacanta kula jiro denbiyadi ay hore u geysteen oo kale, DR al najra wuxuu la kulmay qaar ka mid ah hogaamiyayaasha soomaaliyeed ee dhibta maanta taagan wadddankeena geystay, raggaas uu la kulmay waxaa ka mid ahaa Dr Cabduqaasim oo ah madaxa kooxda Carte,Cusmaan caato oo ah Madaxa kooxda USC/SNA  iyo Muuse suudi yalaxow oo ah hogaamiyaha dadka ugu tirada badan magaalada muqdisho agagaarkeeda.

 Dr al najra wuxuu Cabduqaasim kala kulmay arrin aan ku habooneyn in uu yiraa  nin ku  doodayo in uu yahay madaxa dalka Soomaaliya oo idil oo xaalada waddankeena sida ay ku sugan tahay dadka Soomaaliyeed iyo adduun weynahaba ka warqabaan ilayn ma jirto dalkan cid madax ka ah ama tala ku leh meel walbo oo dalka ka tirsan, Dr Abduqaasim marki la weydiiyay maxaay kula tahay in la baaro denbiyadi waddankan ka dhacay wuxuu ku jawaabay  waa arrin u taalo dadka soomaaliyeed oo iyada ah jawaab demoqaraadiya marka aad ka eegto dhinaca demoqaraadiyada laakin dadka u guur galo arrimaha soomaalida jawaabtan waxaay ku tilmaameen arrin ka fog dimoqaraadiyad iyo tix gelinta codka  shacabka waayo iyada oo dalka dadka denbiyada ka galay ay badan yihiin ayey haddana xaqiiqa tahay in jufadda cabduqaasim ay iyaga ugu badan yihiin amaba gaarayaan 85% dadka galay falalka xun ee loo geystay dadweynaha soomaaliyeed gaar ahaan dadka ku nool koofurta dalka Soomaaliya sidaa darteedna Dr Cabduqaasim oo isaga naf’ahaatiisa la soo shaqeeyay xukuumad diktatooriya, shaqada inta uu ku jirayna ay falal denbiyaa ka dhaceen hay’adahi uu mas’uulka ka ahaa ayaa ka gaabsaday in uu ku dhiiri geliyo kooxdan ku dhaqaaqida arrintan ay u yimaadeen taasoo muujineyso laba arrimood oo kala ah in Cabdiqaasim uu runta ka baqay sababtana ay tahay in uu naftiisa u baqay maadaamo uu ka soo jeedo dad ay ku yaraatay raxmada caadeystana in ay ku noolaadaan boob ,dhac iyo dil waxshnimaa, tan kalana waxaay tahay in uunan raali ka ahayn baarida jufadiisa maadaama ay iyaga maal geliyeen shirki carte magacaan uu xambaarsanyahayna  ay sabab u yihiin.

  Dr Al najra waxaa kale oo uu la kulmay Muuse suudi yalaxow oo isaga sheegay in uu yahay dhibane si buuxdana  u ogalaaday in la baaro denbiyadi waddanka ka dhacay oo idil. Al jabra waxaa kale oo uu  la kulmay Cusman xasan (caato ) oo isaga si toosa ugu gacan sayray in arrintaas la soo hadal qaado waqtigan isla markaasna arrintan ku tilmaamay in ay tahay mid dab kale ka sii shideyso dalkeena..

 Dadka soomaaliyeed meel walba oo ay joogaan waxaan halkan uga soo jeedinayaa in ay aqbalaan in dib loo baaro ciddi mas’uuliyadadeeda iska lahayd dhibaatooyinki iyo denbiyadi waddanka ka dhacay kow iyo soddonki sano ee u dambeysay.midda kale waxaay tani ifineysaa haddii la helo cidda mas’uul ka ahayd falalki argagixiska ahaa ee waddanka ka dhacay muddadaas in la helo yaa ku haboon qaadida mas’uuliyada waddankeena waxaa kale oo ay naga kaalmeyneysaa in hogaamiya kasto ku talo galo in lays xissabinaayo gooray ahaataba sidaa darteed uu ka digtoonaado in ku shaqeeyo wixi waxyeelaynayo ilaalinta ama daryeelka dadweynaha Soomaaliyeed ee hogaaanka u dhiibtay. 06/09/2001

Abdallah Moallim Mahamud
Moallem@lycos.com