Magaca Eebe ayaan ku bilaabaynaa ee naxariis guud iyo mid gaaraba naxariisto

Quraafaadka Faaliyuhu Ma’ahan Qowl Ilaah

Email: Moallem10@hotmail.com

__________________________________________________________________

       Sheekadan Quraafaadka Faaliyuhu ma’ahan Qowl Ilaah waa sheeka dhab ah oo ka hadlayso aayaha nolasheeda halki ay ku danbaysay Gabar Soomaaliyeed oo la yiraa Maryan tan iyo inti laga soo helay iyada oo aad u itaal darran meel cidla ah ee dhanka koofureed kaga aadan Magaalada Gaalkacyo waqtigi ay waddanka Soomaaliya  ka dhacday 1974 Abaarti dabadheer loogu magac daray.

       Magacyada Shaqsiyaadka sheekadan ku jiro iyo goobaha dhacdooyinka qaar ka mid ah iyaga waa la mala awaalay, mana’ahan magacyadii runta ahaa ee dadki dowrka ku lahaa dhacdada sheekadan, waxaa kale oo sheekadan si gaar ah looga shaqeeyay tartiibka sheekada guud ahaan iyo isku dubaridida dhinaca soo qaadashada qeybaha Duruus wax lagu qaato u noqon karo bulshada soomaaliyeed guud ahaan iyo cid walbo oo fursad u hesho in ay aqrisato sheekadan.

      Sheekadan in aan soo bandhigno qorideedi waxaa ka mid ahaa shaqsiyaadki ugu horeeyay ee igu dhiirigeliyay Cabdi Jaamac Maxamed, wuxuuna ahaa ninki ugu horeeyay oo nasiib u helay in uu aqriyo, Cabdi waa Soomali haysto jinsiyada Yeman, kuna dhashay magaalada Mukulla ee dalka yeman, wuxuuna ku nool yahay dalka Sacuudiga. Waxaa kale oo igu dhirigeliyay in aan sheekadan soo bandhigno xaaskayga Xawa Xassan Caray oo iyada ahayd qofki labaad oo aqriyo sheekadan. 

      Sheekadan waxay qorideeda dhamaatay 1984, laakin nasiib darro fursad umaanan helin in aan soo bandhigo tan iyo waqtigaas aan kor ku soo xusay ilaa haddeer duruufa badan oo aanan halkan ku soo xusayn awgood, laakin nasiib wanaag haddeer ayey suurta gashay in aan soo bandhigo gaar ahaan keddib marki aan idin ka helay sheekada runteeda cidda ay khusayso. 

       Waxaan halkan si gaar ah ugu mahadnaqayaa Xawa xassan Caray, Cabdi Jaamac Maxamed iyo dhamaan asxaabta igu dhiirigelisay in aan soo bandhigo sheekadan iyo dhamaan asxaaabta suurta gelisay in loo soo bandhigo aqrisatayaasheeda.

Cabdallah Mocallim Maxamud
Moallem10@hotmail.com.